جمعرات,  03 اپریل 2025ء
پاکستان پرنیوزی لینڈ کیخلاف پہلے ون ڈے میں سلو اوور ریٹ پر جرمانہ عائد

اسلام آباد(روشن پاکستان نیوز) پاکستان کرکٹ ٹیم پرنیوزی لینڈ کیخلاف پہلے ون ڈے میں سلو اوور ریٹ پر جرمانہ عائد کردیا گیا ہے۔

آئی سی سی نے پاکستان پر میچ فیس کا 10فیصد جرمانہ عائد کیا ہے،پاکستان پر مقررہ وقت میں 2اوور کم کرانے پر جرمانہ عائد کیاگیا۔

یاد رہے نیوزی لینڈ نے پہلے ون ڈے میں پاکستان کو 73 رنز سے شکست دی تھی،نیپئر میں پاکستان کی جانب سے ہدف کے تعاقب میں اننگز کا آغاز عبداللہ شفیق اور عثمان خان نے کیا، عثمان خان 39 رنز بنا کر آئوٹ ہوئے، عبداللہ شفیق 36 رنز بنا کر بریسویل کی گیند پر مچل کے ہاتھوں کیچ آئوٹ ہوئے۔ محمد رضوان 30 رنز بنا سکے۔

بابراعظم 78 رنز، طیب طاہر ایک رنز اور عرفان خان بغیر کوئی رنز بنائے پویلین لوٹ گئے۔ پاکستان کی ساتویں وکٹ نسیم شاہ کی گری وہ بغیر کوئی رنز بنائے آئوٹ ہوئے۔ حارث رئوف صرف ایک رنز بنا سکے۔ نویں وکٹ آغا سلمان کی گری انہوں نے 58 رنز بنائے۔

پاکستان کی آخری وکٹ عاکف جاوید کی گری وہ ایک رنز بنا سکے، پاکستان کی پوری ٹیم 44.1 اوور میں 271 رنز بنا کر آئوٹ ہو گئی، اس طرح نیوزی لینڈ 73 رنز سے پہلا ون ڈے میچ جیت گیا۔

قبل ازیں پاکستان کرکٹ ٹیم کے کپتان محمد رضوان نے ٹاس جیت کر نیوزی لینڈ کو بیٹنگ کی دعوت دی۔

میزبان ٹیم کی 50 رنز پر 3 وکٹیں گریں، نیوزی لینڈ کی 8 کے مجموعی اسکور پرپہلی وکٹ گرگئی، ول ینگ ایک رن بنا کرنسیم شاہ کی گیند پرسلمان آغا کے ہاتھوں کیچ آؤٹ ہوئے۔

33 رن پردوسری وکٹ گرگئی، عاکف جاوید کی ون ڈے ڈیبیو میں پہلی وکٹ ہے، عاکف جاوید نے نک کیلی کو15رن پربولڈ کیا، تیسری وکٹ بھی نکولس ہینری کی گری، اس وقت نیوزی کا مجموعی اسکور 50 تھا۔

اس کے بعد ڈیرل مچل اور مارک چیپمن نے شاندار بیٹنگ کا مظاہرہ کیا، ڈیرل مچل 76 رنز بنا کر جبکہ مارک چیپمن 132 رنز بنا کر آئوٹ ہوئے، ان کے علاوہ محمد عباس 52 رنز کے ساتھ نمایاں رہے۔ نیوزی لینڈ نے مقررہ پچاس اوورز میں نو وکٹوں کے نقصان پر 344 رنز بنائے اور پاکستان کو جیتنے کے لیے 345 رنز کا ہدف دیا۔

مزید پڑھیں: ٹی ٹونٹی سیریز، پاک نیوزی لینڈ کا پانچواں میچ آج کھیلا جائیگا

پاکستان کی جانب سے عرفان خان نے تین، عاکف جاوید اور حارث رئوف نے دو دو جبکہ نسیم شاہ اور محمد علی نے ایک ایک کھلاڑی کو آئوٹ کیا۔

مزید خبریں