دبئی(روشن پاکستان نیوز) چیمپئنز ٹرافی میں بھارت کیخلاف کھیلے جانے والے آج کے میچ کیلئے پاکستان کی ممکنہ پلیئنگ الیون کے نام سامنے آ گئے۔
ذرائع کے مطابق بھارت سے میچ پر ٹیم مینجمنٹ کی بیٹھک ہوئی، جس میں فیصلہ کیا گیا کہ پاکستان ٹیم تین فاسٹ بائولرز اور ایک اسپنر کے ساتھ میدان میں اترے گی۔
ذرائع نے بتایا کہ میٹنگ میں فیصلہ ہوا کہ بابر اعظم بھارت کے خلاف اننگز کا آغاز کریں گے جبکہ امام الحق کو بھی ٹیم میں شامل کرنے کا فیصلہ کیا گیا ہے۔
ممکنہ ٹیم میں بابر اعظم، امام الحق، سعود شکیل، محمد رضوان، آغا سلمان ، طیب طاہر، خوشدل شاہ، ابرار احمد، نسیم شاہ، شاہین آفریدی اور حارث رؤف شامل ہونگے۔
ذرائع کا کہنا ہے ٹیم مینجمنٹ آل راؤنڈر فہیم اشرف کو کھلانے کا فیصلہ ٹاس سے پہلے کرے گی۔
مزید پڑھیں: بھارت کیخلاف میچ: ٹیم پوری طرح مقابلے کیلئے تیار ہے، کل سب کو اچھا سرپرائز ملے گا، محسن نقوی
