کراچی(روشن پاکستان نیوز) کرکٹ کے معروف تجزیہ کار اور سابق کھلاڑی باسط علی نے حال ہی میں ایک لائیو شو کے دوران جذباتی ہوکر ایک اہم موضوع پر اپنی رائے کا اظہار کیا۔ انہوں نے کہا کہ “ملک پہلے ہے یا بابر اعظم؟ ہم کچھ کہیں تو غدار ہیں، اگر بابر اعظم کو برا بولتے ہیں۔” ان کا یہ بیان اُس وقت سامنے آیا جب شو میں پاکستان کرکٹ کے موجودہ کپتان بابر اعظم کی کارکردگی اور ملک کی کرکٹ ٹیم کی صورتحال پر گفتگو ہو رہی تھی۔
باسط علی نے مزید کہا کہ “ہم سب کو یہ سمجھنا ہوگا کہ ہمارے لیے سب سے اہم پاکستان ہے، اور اگر کسی کھلاڑی کے بارے میں تنقید کرنا ضروری ہو، تو ہمیں اس سے گریز نہیں کرنا چاہیے۔” اس بیان کے بعد شو میں موجود افراد نے ان کے خیالات کا خیرمقدم کیا، تاہم سوشل میڈیا پر اس بیان پر مختلف ردعمل دیکھنے کو ملے۔
ان کے جذباتی انداز اور کرکٹ کے مستقبل کے حوالے سے کیے گئے کمنٹس نے پروگرام کے ناظرین کو ایک نیا زاویہ فراہم کیا۔ باسط علی کا کہنا تھا کہ انہیں کسی بھی کھلاڑی یا شخصیت سے ذاتی اختلافات نہیں ہیں، بلکہ ان کا مقصد صرف پاکستان کی کرکٹ کو بہتر بنانا ہے۔
یہ معاملہ اب سوشل میڈیا پر بھی گرم موضوع بن چکا ہے، جہاں مختلف لوگوں نے باسط علی کے بیان پر اپنی رائے دی ہے۔
واضح رہے کہ نیوزی لینڈ نے آئی سی سی کے افتتاحی میچ میں پاکستان کو 60رنز سے شکست دیدی، جس پر شائقین کرکٹ اور تجزیہ کاروں نے کافی غصے کا اظہار کیا ہے۔
مزید پڑھیں: ایران نے پاکستان پر حملہ کر کے غیر ذمے داری کا مظاہرہ کیا، عبدالباسط
