اسلام آباد (روشن پاکستان نیوز) آئی سی سی چیمپئنز ٹرافی کے پہلے میچ میں نیوزی لینڈ کے خلاف فخر زمان کے بطور اوپنر نہ آنے کی وجہ سامنے آ گئی۔
فیلڈنگ کے دوران گراؤنڈ سے باہر رہنے کے باعث فخر زمان بحیثیت اوپنر نہیں کھیلیں گے۔فخر زمان اننگ کے آغاز کے 20 منٹ بعد میدان میں آکر کھیل سکیں گے۔
خیال رہے کہ فخر زمان نیوزی لیںڈ کیخلاف افتتاحی میچ کے پہلے ہی اوور میں زخمی ہوگئے۔
نیشنل اسٹیڈیم کراچی میں کھیلے جارہے چیمپئینز ٹرافی کے افتتاحی میچ میں فخر زمان دوران فیلڈنگ باؤنڈری لائن پر فیلڈنگ کرتے ہوئے گر گئے اور زخمی ہوکر میدان باہر چلے گئے۔
مزید پڑھیں: اڈیالہ جیل سے منتیں کی جا رہی ہیں کہ مجھے باہر نکالو، وزیر اعلیٰ پنجاب
فیلڈنگ کے بعد فخر زمان کو باؤنڈری لائن پر بیٹھے دیکھا گیا تھا، بعدازاں میڈیکل ٹیم نے انکی خیریت دریافت کی۔
دوسری جانب بورڈ کی جانب سے جاری کردہ اعلامیے میں کہا گیا ہے کہ ابتدائی اطلاعات کے مطابق فخر زمان کو پٹھوں میں موچ آئی ہے تاہم اس حوالے سے مزید اَپ ڈیٹس جلد فراہم کی جائیں گی۔
