کراچی(روشن پاکستان نیوز) نیوزی لینڈ نے پاکستان کو شکست دیکر تین ملکی کرکٹ سیریز جیت لی۔

پاکستان نے نیوزی لینڈ کو جیت کیلئے 243 رنز کا ہدف دیا جو نیوزی لینڈ نے 5 وکٹوں کے نقصان پر حاصل کرلیا،نیوزی لینڈ کی جانب سے ڈیرل مچل 57،ٹام لیتھم 56،ڈیوڈ کانوائے 48 رنز بنا کر نمایاں بلے بازرہے۔

پاکستان کی جانب سے نسیم شاہ نے 2، ابرار احمد، سلمان آغا اور شاہین شاہ آفریدی نے ایک ایک وکٹ حاصل کی، قبل ازیں پاکستان نے  نیوزی لینڈ کو جیت کیلئے 243 رنز کا ہدف دیا۔

کراچی میں کھیلے گئے میچ کا ٹاس پاکستان نے جیتا اورپہلے بیٹنگ کرنے کا فیصلہ کیا ،پاکستان کی پوری ٹیم 49.3اوورز میں 242 رنز بنا کر آئوٹ ہوگئی ۔

محمد رضوان 46، سلمان آغا 45، طیب طاہر 38 رنز بنا کر نمایاں بلے باز رہے ، فخر زمان  10،بابر اعظم 29،سعود شکیل 8،خوشدل شاہ 7،فہیم اشرف 22،شاہین آفریدی 1،نسیم شاہ 19 رنز بنا کر آئوٹ ہوئے۔ابرار احمد ایک رنز بنا کر ناٹ آئوٹ رہے۔

نیوزی لینڈ کی جانب سے ول او رورکی نے 4 اور مائیکل بریسویل نے2وکٹیں حاصل کیں،ول او رورکی پلیئر آف میچ قرار پائے،جبکہ سلمان آغا پلیئر آف دی سیریزٹھہرے۔

مزید پڑھیں: بابراعظم کا موبائل فون گم گیا