اسلام آباد(روشن پاکستان نیوز) پی ایس ایل ایڈیشن 10 کے لئے پلیئرز ڈرافٹ کی تیاریاں مکمل کر لی گئیں، آج فرنچائزز اپنی اپنی ٹیمیں تشکیل دیں گی۔
پی ایس ایل کے 10 ویں ایڈیشن کا ڈرافٹ آج دن ایک بجے حضوری باغ لاہور میں ہو گا، تمام 6 فرنچائزز پلاٹینم، ڈائمنڈ، گولڈ، سلور، ایمرجنگ اور سپلی منٹری کیٹیگری میں کھلاڑیوں کا انتخاب کرکے اپنی اپنی ٹیمیں تشکیل دیں گی۔
پی ایس ایل کے 10 ویں ایڈیشن کے ڈرافٹ کیلئے دنیا بھر سے معروف کرکٹرز رجسٹرڈ ہو گئے، نیوزی لینڈ کے کین ولیمسن، ڈیرل مچل، ٹم ساؤتھی اورمارک چیپ مین ڈرافٹ میں رجسٹرڈ ہو چکے ہیں۔
آسٹریلیا کے ڈیوڈ وارنر،عثمان خواجہ، میتھیو شارٹ، شان ایبٹ نے بھی رجسٹریشن کرا رکھی ہے، انگلینڈ کے جیسن روئے، ایلکس ہیلز، زیک کرولی، بنگلا دیش کے مستفیض الرحمان، شکیب الحسن نے بھی رجسٹریشن کروا رکھی ہے۔
افغانستان کے مجیب الرحمان سمیت بڑی تعداد میں غیرملکی کھلاڑی ڈرافٹ میں شامل ہیں۔
مزید پڑھیں: سابق کپتان محمد حفیظ پاکستان کرکٹ بورڈ پر برس پڑے
