اسلام آباد(روشن پاکستان نیوز) وزیراعظم کی ہدایت پر ڈیپارٹمنٹل اسپورٹس کی بحالی پر عملی اقدامات کرتے ہوئے قومی ہاکی ٹیم کے دو کھلاڑیوں منیب الرحمان اور احتشام اسلم کو ملازمت دیدی گئی۔
زرعی ترقیاتی بینک کے صدر طارق یعقوب نے وزیراعظم کے مشیر رانا ثناءاللہ سے ملاقات کی ، جس میں انہوں نے جاب لیٹرز رانا ثنا اللہ کے سپرد کئے۔
اس موقع پر رانا ثناء اللہ نے کہا کہ شعبہ جاتی کھیلوں کی بحالی، وزیراعظم کی کھیلوں کے شعبے پر خصوصی توجہ کا نتیجہ ہے۔
واضح رہے کہ زرعی ترقیاتی بینک کے صدر اور رانا ثناءاللہ کی ملاقات میں نیشنز کپ کے مقابلوں میں شریک پاکستان ہاکی ٹیم نے بھی پولینڈ سے آن لائن شرکت کی۔
مزید پڑھیں: ایف آئی ایچ رینکنگ: پاکستانی ہاکی ٹیم 16ویں سے 14ویں پوزیشن پر آگئی
