ممبئی(روشن پاکستان نیوز) بالی وڈ اداکار وویک اوبرائے اگرچہ سپر اسٹارز کی فہرست میں شامل نہ ہو سکے لیکن ان کا شمار بالی وڈ کے کامیاب اداکاروں میں کیا جاتا ہے۔
بھارتی میڈیا کے مطابق اداکار وویک اوبرائے کی کل دولت کا تخمینہ 1200 کروڑ بھارتی روپے بتایا جاتا ہے۔
حال ہی میں ایک انٹرویو کے دوران جب وویک اوبرائے سے ان کی مجموعی دولت سے متعلق سوال کیا گیا تو انھوں نے انکشاف کیا ’میں 15 سال کی عمر میں ہی مالی طور پر خود مختار ہوگیا تھا اور 16 سے 17 سال کی عمر میں میری پہلی آمدنی ایک کرو ڑ بھارتی روپےتھی‘۔
اداکار کے مطابق ہندوستان کی تقسیم سے قبل میرے آباؤ اجداد کی حویلیاں اور محلات تھے لیکن انھیں تقسیم کے وقت سب چھوڑ کر آنا پڑا، جس کے بعد میری فیملی نے زیرو سے اسٹارٹ کیا۔
اداکار نے کم عمری میں کروڑوں کمانے سے متعلق واضح کیا کہ ’میری پہلی ایک کروڑ روپے کی آمدنی ٹریڈنگ کے ذریعے ہوئی تھی، یہ نقد رقم کے بجائے اسٹاک کی صورت تھی اور میں بچت کرنا جانتا تھا‘۔
وویک اوبرائے کے مطابق 19 سال کی عمر میں میں نے اپنا پہلا کاروبار شروع کیا، اسی دوران 12 کروڑ جمع کر لیے تھے لیکن اس مشترکہ کاروبار میں میرا ذاتی حصہ 20 سے 25 لاکھ بھارتی روپے تھا۔
مزید پڑھیں: بھارتی طیاروں کے مقابلے میں جے ایف 17 کی سبقت، امریکی دفاعی ماہر نے بھی بتادیا
وویک اوبرائےنے کہا کہ ’میری دلچسپی ہمیشہ سرمایہ کاری میں رہی ہے، میں نے اپنی FinTech کمپنی، EdTech کمپنی، روڈ سائیڈ سیفٹی اسسٹنس کمپنی، لیبارٹری سے تیار کردہ ڈائمنڈ جیولری کمپنی سمیت انفرا اسٹرکچر کنسلٹنسی فرم کھڑی کیں، یہ سب کام میں روزانہ 6 گھنٹے میں مینیج کرلیتا ہوں۔
بالی وڈ اداکار نے مزید بتایا کہ’شوٹنگ کے دوران میں چھٹی والے دن اپنے کاروبار کو دیتا ہوں اور دوران شوٹنگ، شوٹنگ مکمل ہونے کے بعد اپنے کام میں وقت لگاتا ہوں۔
