اسلام آباد(روشن پاکستان نیوز) پاکستان کی معروف اور باصلاحیت اداکارہ صبا قمر کی طبیعت کچھ روز قبل اچانک بگڑ گئی، جس کے باعث انہیں لاہور کے ڈیفنس میں واقع ایک نجی اسپتال میں داخل کروایا گیا۔ اب ان کی بیماری کی وجہ سامنے آگئی ہے۔
ذرائع کے مطابق، صبا قمر کو دمہ کا اچانک شدید حملہ ہوا تھا، جو دورانِ شوٹنگ پیش آیا۔ سانس لینے میں دشواری اور جسمانی کمزوری محسوس ہونے کے بعد انہیں فوری طور پر اسپتال منتقل کیا گیا۔
اسپتال ذرائع اور فیملی کے قریبی افراد کے مطابق، صبا قمر کو ایمرجنسی میں طبی امداد دی گئی۔ ڈاکٹروں نے ان کا مکمل معائنہ کیا اور مختلف تشخیصی ٹیسٹ بھی کیے تاکہ کسی پیچیدگی کا پتہ چلایا جا سکے۔
ڈاکٹروں کی جانب سے صبا قمر کو کم از کم ایک ماہ مکمل آرام کا مشورہ دیا گیا ہے۔
مزید پڑھیں: اداکارہ صبا قمر کی طبیعت اچانک خراب، اسپتال میں داخل
واضح رہے کہ اداکارہ صبا قمر کوطبیعت بگڑنے پر قائداعظم انٹرنیشنل اسپتال راولپنڈی کے آئی سی یو میں داخل کیا گیا تھا۔ صبا قمر نے انسٹاگرام پرصبا قمر نے انسٹاگرام پر اپنے معالجین اور ٹیم کے ساتھ ایک تصویر بھی شیئر کی تھی اور اپنے مداحوں کا شکریہ ادا کیا جنہوں نے ان کی جلد صحتیابی کی دعائیں کیں۔
