اسلام آباد(روشن پاکستان نیوز) بھارتی اداکارہ راکھی ساونت اپنا بیگ اٹھائے پاکستان کی معروف اداکارہ ہانیہ عامر کے گھر آنے کیلئے تیار ہیں۔
ان دنوں راکھی ساونت کی پاکستانی اداکاراؤں سے متعلق ویڈیوز وائرل ہو رہی ہیں، راکھی کبھی اداکارہ ہانیہ عامر، نرگس اور دیدار کو ڈانس چیلنج دیتے نظر آتی ہیں تو کبھی وہ پاکستان آکر شادی کرنے کی خواہش کا اظہار کرتی دکھائی دیتی ہیں۔
اب حال ہی میں راکھی ساونت کی ائیر پورٹ سے ایک اور ویڈیو سامنے آئی ہے جس میں انہیں اپنا سامان اٹھائے دیکھا جا سکتا ہے۔
بھارتی اداکارہ نے یہ ویڈیو ہانیہ عامر کے نام بنائی ہے اور انہوں نے ہانیہ کو مخاطب کرتے ہوئے کہا کہ میں پاکستان ہانیہ، نرگس اور دیدار سمیت تمام بڑے ستاروں سے ملنے آرہی ہوں۔
راکھی ساونت نے کہا کہ ہانیہ کیا تمھارے گھر میں میرے لیے جگہ ہے، میں تمھاری بہن بھارت سے آرہی ہوں، چلو مجھے ائیرپورٹ پر لینے آجاؤ۔
مزید پڑھیں: عامر خان نے سلمان خان کیساتھ کبھی کام نہ کرنے کا عہد کیوں کیا؟
ویڈیو کے آخر میں انہوں نے ہانیہ کو ‘آئی لوِ ویو’ کہتے ہوئے اپنی محبت کا اظہار بھی کیا۔
