اسلام آباد (روشن پاکستان نیوز )ٹیلیویژن کی معروف میزبان و اداکارہ ندا یاسر نے اپنے شوہر اداکار و ہدایتکار یاسر نواز کو دوسری شادی کرنے کی اجازت دے دی۔
خیال رہے کہ پی ٹی وی کے معروف ہدایتکار کاظم پاشا کی بیٹی ندا پاشا اور نامور اداکار فرید نواز بلوچ کے بیٹے یاسر نواز سال 2002 میں شادی کے بندھن میں بندھے تھے اور ایک خوشگوار ازدواجی زندگی گزار رہے ہیں۔
یاسر نواز یوٹیوب پر باقاعدگی سے ولاگز شیئر کرتے ہیں جس میں وہ اور ان کے اہلِ خانہ ہنسی مذاق اور دلچسپ گفتگو کرتے نظر آتے ہیں، انہوں نے حال ہی میں اپنے یوٹیوب چینل پر ایک فیملی ولاگ شیئر کیا، جس میں ان کے بھائی بہن اور دیگر رشتہ دار ایک دعوت میں شریک نظر آئے۔
ویڈیو میں یاسر نواز اپنی اہلیہ ندا یاسر کے ساتھ ایک صوفے پر رومانوی انداز میں بیٹھے نظر آئے۔
اس ویڈیو میں یاسر نواز بار بار اہلیہ کو چھیڑتے سنائی دیتے ہیں کہ وہ پہلے سے زیادہ ہینڈسم بن گئے ہیں، ان کا بڑھا ہوا پیٹ بھی اندر ہوگیا ہے، اب تو ان کا حق بنتا ہے۔
شوہر کی بات پر ندا یاسر بھی مزاحیہ انداز میں انہیں کہتی ہیں کہ چلو ٹھیک ہے، جب میں مر جاؤں تو کرلینا دوسری شادی۔
مزید پڑھیں؛جنوبی افریقہ کے اسپنر کیشو مہاراج پاکستان کیخلاف ون ڈے سیریز سے باہر ہو گئے
ویڈیو میں ندا یاسر شوہر کی بات پر مزید کہتی ہیں کہ کون کہتا ہے کہ پیٹ اندر چلے جانے سے لڑکی مل جاتی ہے یا شادی ہوجاتی ہے؟
ٹی وی میزبان شوہر کو مزید کہتی سنائی دیتی ہیں کہ اگر وہ کروڑ پتی ہوتے تو پھر دوسری بات تھی، اب ایسا نہیں ہوسکتا، اگر وہ کروڑ پتی ہوتے تو پھر شادی کر سکتے تھے، اب نہیں کر سکتے۔
ساتھ ہی ندا یاسر شوہر کو مزاحیہ انداز میں مشروط اجازت دیتی ہیں کہ اگر وہ بھارتی امیر ترین شخص مکیش امبانی جتنے امیر بن جائیں تو وہ بھلے تین شادیاں کرلیں۔
اہلیہ کی جانب سے دوسری شادی کی مشروط اجازت دیے جانے پر یاسر نواز مسکرا دیے اور انہوں نے وہاں موجود اہل خانہ کو آواز دے کر کہا کہ سن لیں، انہیں اہلیہ نے دوسری شادی کی اجازت دے دی۔
اس سے قبل فیصل قریشی کی پوڈ کاسٹ میں شرکت کے دوران جب ندا یاسر سے پوچھا گیا تھا کہ ان کے شوہر نے ان کے سامنے ہی کہا تھا کہ بیوی کو ہر 15 سال بعد شوہر کی نئی شادی کروانی چاہیے تو اس پر انہیں اعتراض نہیں ہوا؟
جس پر ندا یاسر نے جواب دیا کہ یاسر نواز نے مذکورہ بات مذاق میں کی تھی لیکن لوگوں نے اسے سچ سمجھ لیا۔
ندا یاسر کا کہنا تھا کہ لوگوں نے ان کے شوہر کی مذاق میں کہی بات کو پکڑ لیا لیکن اگر ان کے شوہر کبھی دوسری شادی کرلیں تو وہ کیا کر سکتی ہیں۔
اداکارہ و میزبان نے کہا کہ ان کے ناراض ہونے یا اعتراض کرنے سے کیا ہوگا، اگر ان کے شوہر کو دوسری شادی کرنی ہوگی تو وہ کرلیں گے۔
اسی دورانہوں نے مزاحیہ انداز میں کہا کہ اگر ان کے شوہر کا کہیں کوئی سین فٹ ہے اور وہ بڑھاپے میں اگر دوسری شادی کرلیں تو وہ کیا کر سکتی ہیں۔
