ممبئی (روشن پاکستان نیوز)بالی ووڈ کی متنازع اداکارہ و ڈانسر راکھی ساونت طبیعت ناساز ہونے کے سبب اسپتال میں داخل ہیں۔ ان کی بیماری کو ڈرامہ کہنے پر اداکارہ کے وکیل عادل خان درانی پر برس پڑے۔
عادل درانی نے بھارتی میڈیا کو انٹرویو کے دوران راکھی ساونت کے اسپتال میں داخل ہونے کو ڈرامہ قرار دیتے ہوئے کہا تھا کہ وہ یہ سب جیل جانے سے بچنے کیلئے کررہی ہے۔
جس پر راکھی ساونت کے وکیل نے ان کی بیماری کی تفصیلات شیئر کرتے ہوئے عادل جیلانی کے دعوے کو جھوٹا قرار دیتے ہوئے کہا کہ اس میں کوئی شک نہیں کہ ان کی صحت کے بہت سے مسائل ہیں، عادل جو کہہ رہے ہیں وہ بالکل غلط ہے، راکھی ساونت اس وقت اسپتال میں زیر علاج ہے اور جلد ہی اس کی سرجری ہوگی۔
راکھی ساونت کے وکیل نے واضح کیا کہ اداکارہ قانونی کارروائی سے فرار ہونے کی کوشش نہیں کر رہی ہیں۔ انہوں نے نے دعویٰ کیا کہ راکھی اگلے تین دنوں میں عدالت میں پیش ہوں گی، وہ بھاگ نہیں رہی۔
