لاہور(نیوزڈیسک)پاکستانی شوبز انڈسٹری کی سینیئر اداکارہ اسما عباس نے انکشاف کیا ہے کہ اُن کی بیٹی زارا نور عباس شوبز میں کام کرنے کے لیے روتی تھیں لیکن زارا کے والد اجازت نہیں دیتے تھے۔
حال ہی میں اسما عباس نے نجی ٹی وی چینل کے شو ‘زبردست’ میں بطورِ مہمان شرکت کی جہاں اُنہوں نے اپنے کیریئر، اپنی بہن بشریٰ انصاری اور بیٹی زارا نور عباس کی شوبز میں جدوجہد کے بارے میں کُھل کر بات کی۔
اسما عباس نے کہا کہ میری بیٹی زارا نور عباس میں بچپن سے ہی اداکاری کا ٹیلنٹ تھا، وہ روتی تھیں کہ مجھے شوبز میں اپنا کیریئر بنانا ہے لیکن میرے شوہر عباس اجازت نہیں دیتے تھے۔
اُنہوں نے کہا کہ زارا فلم میکنگ میں تعلیم حاصل کرنے کی خواہشمند تھی لیکن عباس نے زارا سے کہہ دیا تھا کہ تمہیں وکیل بننا ہے تو صرف اپنی پڑھائی پر توجہ دو۔
مزیدپڑھیں:عدالت نے 10 سال بعد سابق چیف جسٹس افتخار چوہدری کےعمران خان کے خلاف ہتک عزت کیس کا فیصلہ سنا دیا
اداکارہ نے کہا کہ زارا شوبز میں جانے کے لیے مجھ سے ضد کرتی تھی تو میں اُسے یہی کہتی تھی کہ بیٹا جب مجھے کام کرنے کی اجازت نہیں ملی تو تمہیں کیسے اجازت ملے گی، میں تو خود بےبس تھی۔
