اسلام آباد(روشن پاکستان نیوز) جے یو آئی (ف) کے سربراہ مولانا فضل الرحمان نے کہا ہے کہ اگر بانی پی ٹی آئی عمران خان مجھ سے ملنا چاہیں گے تو اس حوالے سے سوچ سمجھ کر فیصلہ کروں گا۔

 صحافیوں سے بات چیت کرتے ہوئے مولانا فضل الرحمان نے کہا کہ بانی پی ٹی آئی کی جانب سے ملاقات کے لیے کوئی باضابطہ پیغام نہیں ملا ۔

جے یو آئی سربراہ نے کہا کہ گلہ ہے کہ عام انتخابات میں ہمیں لیول پلیئنگ فیلڈ نہیں دی گئی، انتخابات میں کچھ لوگ استعمال ہو گئے مگر ہم نے استعمال ہونے سے انکار کیا۔

مزید پڑھیں: سول نافرمانی 9 مئی سے بڑا جرم ہے، دباؤ میں عمران کو چھوڑا گیا تو قوم کھڑی ہوگی: جاوید لطیف

ان کا مزید کہنا تھا کہ 26 ویں ترمیم میں ہماری جماعت نے شخصیت کے بجائے اداروں کی مضبوطی کو مقدم رکھا، مدارس کی رجسٹریشن پر طے شدہ معاملات کو خواہ مخواہ چھیڑا گیا۔ خیبر پختونخوا میں حکومت کی کہیں رِٹ نظر نہیں آ رہی۔