اسلام آباد(روشن پاکستان نیوز)پی ٹی آئی اور جے یو آئی کے وفود کی ملاقات کی اندرونی کہانی منظرعام پرآگئی،ذرائع کے مطابق جے یو آئی نے کسی بھی الائنس میں شامل ہونے سے انکار کردیا۔
مولانا فضل الرحمن نے تحریک انصاف کے وفد سے گفتگوکرتے ہوئے کہاکہ جے یو آئی پی ٹی آئی یا کسی جماعت سے الائنس نہیں کریگی،پی ٹی آئی سے تعلقات بہتر رکھیں گے اتحاد میں شامل نہیں ہونگے، ، اتحاد میں شمولیت سے انکار کے بعد پارلیمنٹ میں تعاون پر دونوں جماعتوں کا اتفاق ہوا، پارلیمنٹ اور دیگر معاملات پر ایشو ٹو ایشو مشاورت ہوگی،جے یو آئی فی الوقت اکیلے ہی اپنی مہم جاری رکھے گی، پی ٹی آئی وفد نے مولانا فضل الرحمن کی تجویز سے اتفاق کیا،پی ٹی آئی اور جے یو آئی کے درمیان تلخ تعلقات کو نارمل بنانا ہے،بیرسٹر گوہر خان نے قومی اسمبلی سینیٹ میں ممکنہ حکومتی قانون سازی پر گفتگو کیدونوں جماعتوں نے رابطے جاری رکھنے پر اتفاق کیا،پی ٹی آئی وفد نے گزشتہ رات مولانا فضل الرحمن سے ملاقات کی تھی۔
مزید پڑھیں:عمران خان کی جانب سے جیل میں ورزش کیلئے ڈمبل فراہم کرنے کی درخواست جمع کروا دی گئی
