اسلام آباد(روشن پاکستان نیوز) وفاقی وزیر اطلاعات عطاء اللہ تارڑنے کہاہے کہ آئندہ انتخابات انشاءاللہ 2029 میں مقررہ وقت پر ہوں گے ۔ جے یو آئی کے سربراہ مولانا فضل الرحمان کی پریس کانفرنس پر ردعمل کااظہارکرتے ہوئے وزیراطلاعات نے کہاکہ مولانا فضل الرحمان ہمارے بزرگ اور قابل احترام سیاست دان ہیں، سیاست میں تمام مسائل کا حل صرف مذاکرات میں ہے۔انہوں نے کہاکہ موجودہ صورتحال میں بیان بازی کی بجائے پارلیمان میں سیاست ہونی چاہئے، حکومت کی بہتر معاشی حکمت عملی سے ملکی سٹاک ایکسنج تاریخی بلندی پر ہے جبکہ زرمبادلہ کے ذخائر میں اضافہ ہوا ہے، عطا اللہ تارڑنے کہاکہ تجارتی خسارہ کم ہونے کے ساتھ روپے کی قدر مستحکم ہونا خوش آئند ہے، آئندہ انتخابات انشاءاللہ 2029 میں، مقررہ وقت پر ہوں گے،وفاقی وزیر اطلاعات نے کہاکہ مولانا صاحب بزرگ اور زیرک سیاست دان ہونے کے ناطے آپ کو حکومت کے معاشی بہتری کے اقدامات کو سراہنا چاہئے۔
مزید پڑھیں: عمران خان کا پارٹی میں دھڑے بندی اور فارورڈ بلاک سے متعلق خبروں کا نوٹس
