حیدرآباد(روشن پاکستان نیوز) اگر آپ حیدرآباد گئے ہیں اور وہاں کے مشہور پائے نہیں کھائے تو آپ کی یہ سیر ادھوری رہی ہے، فجر کے بعد ملنے والے پائے 2 گھنٹے میں ختم ہوجاتے ہیں۔
حیدرآباد کے پنجرہ پول میں سڑک کنارے پائے کا ٹھیلا سڑک کنارے فجر کے وقت لگ جاتا ہے، اور اس کے پہنچنے سے بھی پہلے لوگ دور دور سے یہاں جمع ہونا شروع ہو جاتے ہیں، شہر کے ساتھ ساتھ دیگر شہروں بلکہ ملکوں سے بھی آئے ہوئے لوگ مصالحہ دار پائے سے لطف اندوز ہوتے ہیں۔
محمد شریف گذشتہ 40 سال سے گھر کے تیار کردہ مصالحہ جات کے ساتھ پائے تیار کرتے ابتدائی دنوں میں 2 روپے میں ملنے والی پلیٹ کی قیمت اب 200 روپے کی ہے۔
سادہ پائے کے ساتھ ساتھ نلی والے پائے بھی خوب پسند کیے جاتے ہیں، طلوع آفتاب سے بھی پہلے لوگ فٹ پاتھ پر بیٹھے ذائقہ دار پائے کے منتظر دکھائی دیتے ہیں۔
مزید پڑھیں: جنوبی افریقا: سونے کی کان میں غیر قانونی کان کنی کرنیوالوں کا کھانا بند، 87 افراد ہلاک
