اسلام آباد(سعد عباسی) آئی جی اسلام آباد سید علی ناصر رضوی کے خصوصی احکامات پر پولیس لائنز ہیڈکوارٹرز اسلام آباد میں ترقی پانے والے پولیس افسران کے اعزاز میں ایک پروقار تقریب کا انعقاد کیا گیا۔
اسلام آباد: خاتون صحافی کے ساتھ نامناسب رویے پر پولیس کانسٹیبل معطل
تقریب میں ڈی آئی جی ہیڈکوارٹرز ملک جمیل ظفر، اے آئی جی لاجسٹکس عبد الحق عمرانی اور ایس پی ہیڈکوارٹرز پری گل ترین نے شرکت کی اور ترقی پانے والے افسران کو نئے عہدوں کے رینک لگا کر مبارکباد پیش کی۔
اس موقع پر ڈی آئی جی ہیڈکوارٹرز ملک جمیل ظفر نے کہا کہ افسران کی ترقی ان کی انتھک محنت، فرض شناسی اور بہترین کارکردگی کا اعتراف ہے۔ انہوں نے امید ظاہر کی کہ ترقی پانے والے افسران مستقبل میں بھی اسی جذبے اور لگن کے ساتھ شہریوں کی خدمت جاری رکھیں گے اور پولیس کے وقار میں مزید اضافہ کریں گے۔
