پشاور(روشن پاکستان نیوز) خیبرپختونخوا حکومت نے عیدالفطر کے موقع پر عام تعطیلات کا اعلان کر دیا۔
تفصیلات کے مطابق خیبرپختونخوا میں عید پر تین روزہ سرکاری چھٹیوں کا نوٹیفکیشن محکمہ انتظامی امور کی جانب سے جاری کردیا گیا۔
جاری کئے گئے نوٹیفکیشن کے مطابق صوبے بھر میں 19، 20 اور 21 مارچ کو سرکاری تعطیلات ہوں گی۔
دوسری جانب وزیر اعلیٰ بلوچستان میر سرفراز بگٹی نے صوبے کے تمام سرکاری ملازمین کو عید الفطر کی پیشگی مبارکباد دیتے ہوئے اعلان کیا ہے کہ عید کی تعطیلات سے قبل تمام ملازمین کے اکاؤنٹس میں تنخواہیں منتقل کر دی گئی ہیں۔
سرفراز بگٹی کا کہنا تھا کہ حکومتِ بلوچستان نے عید سے قبل تنخواہوں کی ادائیگی مکمل کر دی ہے تاکہ تمام ملازمین اپنے اہل خانہ کے ساتھ عید کی خوشیاں بھرپور طریقے سے منا سکیں۔
عید کے چاند سے متعلق عدالت میں انوکھی درخواست دائر
تمام متعلقہ محکموں کو پہلے ہی ہدایات جاری کر دی گئی تھیں کہ عید سے قبل ادائیگیوں کے عمل کو ہر صورت یقینی بنایا جائے تاکہ کسی بھی ملازم کو دشواری کا سامنا نہ کرنا پڑے۔
وزیر اعلیٰ سرفراز بگٹی نے کہا کہ ہماری خواہش ہے کہ سرکاری ملازمین کسی بھی مالی فکر کے بغیر عید کی تیاریوں اور خوشیوں میں شریک ہوں۔
انہوں نے انتظامیہ کو حکم دیا کہ وہ اس فیصلے پر سختی سے عملدرآمد کو یقینی بنائیں تاکہ دور دراز علاقوں کے ملازمین کو بھی بروقت رقوم مل سکیں۔
