راولپنڈی(عرفان حیدر) راولپنڈی کے علاقے گلستان کالونی میں پتنگ کے ڈور کے باعث دو بچوں کے زخمی ہونے کا واقعہ پیش آیا۔ پانچ سالہ ابو بکر کی گردن پر گہرا زخم آیا جبکہ ایک سالہ دانیال بھی زخمی ہوا۔ دونوں بچے اس وقت اپنے ماموں کے ساتھ موٹر سائیکل پر جا رہے تھے کہ حادثہ پیش آیا۔
پولیس نے مقدمہ دفعہ 324 کے تحت اقدام قتل کے الزامات میں درج کر لیا ہے۔ اس کے علاوہ، مقدمے میں نامعلوم پتنگ باز کے خلاف اینٹی فلائنگ ایکٹ کی دفعات بھی شامل کی گئی ہیں۔ پولیس نے زخمی بچوں کا طبی معائنہ کروا کر علاج کے انتظامات کیے ہیں اور تحقیقات شروع کر دی ہیں تاکہ حادثے میں ملوث افراد کو جلد گرفتار کیا جا سکے۔
لاہور: بسنت کے دوران ایئرپورٹ کے اطراف پتنگ بازی پر پابندی
یہ واقعہ ایک بار پھر شہریوں کو پتنگ بازی کے دوران احتیاطی اقدامات پر عمل کرنے کی ضرورت یاد دلاتا ہے، تاکہ کسی قسم کے حادثات اور جانی نقصان سے بچا جا سکے۔
