لاہور(روشن پاکستان نیوز) لاہور ائرپورٹ اور اس کے اطراف شدید دھند کی لپیٹ میں ہیں جس کے باعث پروازوں کے شیڈول میں گڑبڑی دیکھنے کو مل رہی ہے۔

ائرپورٹ انتظامیہ کے مطابق بیرونِ ملک جانے اور آنے والی 5 پروازیں منسوخ کر دی گئی ہیں جبکہ 6 سے زائد پروازیں تاخیر کا شکار ہیں۔

اس وقت ائرپورٹ کے اطراف حد نگاہ صرف 600 میٹر ہے، جس کی وجہ سے فلائٹ آپریشنز متاثر ہو رہے ہیں۔

مزید پڑھیں: ائیر پورٹ اتھارٹی نے فضائی حدود کی مختلف اوقات میں بندش کا نوٹم جاری کر دیا

ائرپورٹ انتظامیہ نے مسافروں سے اپیل کی ہے کہ وہ ائرپورٹ آنے سے قبل اپنی فلائٹ انکوائری ضرور کریں تاکہ کسی قسم کی مشکلات سے بچا جا سکے۔

محکمہ موسمیات کا کہنا ہے کہ دھند کی شدت میں مزید اضافہ ہونے کا امکان ہے، جس کے پیشِ نظر ایئرپورٹ انتظامیہ اور متعلقہ حکام مستعد رہنے کے اقدامات کر رہے ہیں۔