اسلام آباد(عرفان حیدر)  اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کارروائیوں کا سلسلہ شروع کیا، جس کے دوران 7 مختلف کارروائیوں میں 9 ملزمان کو گرفتار کیا گیا۔ کارروائیوں کے دوران مجموعی طور پر 202.71 کلوگرام منشیات برآمد کی گئی، جس کی مارکیٹ قیمت 2 کروڑ 4 لاکھ روپے سے زائد ہے۔

مزید پڑھیں: اے این ایف کا مختلف شہروں میں منشیات اسمگلنگ کے خلاف کریک ڈاؤن، خاتون سمیت دو ملزمان گرفتار

تعلیمی اداروں کے گرد کارروائیاں:
اسلام آباد میں یونیورسٹی کے قریب گاڑی سے 2.4 کلوگرام چرس برآمد کی گئی اور 2 ملزمان گرفتار ہوئے۔ گرفتار ملزمان نے اعتراف کیا کہ وہ تعلیمی اداروں کے طلباء کو منشیات فروخت کر رہے تھے۔

دیگر کارروائیاں:

• اللہ آباد ڈسٹرکٹ قصور: 2 موٹر سائیکل سوار ملزمان سے 150 کلوگرام چرس برآمد اور گرفتار۔

• بلال چورنگی کراچی: رکشہ سے مجموعی طور پر 42 کلوگرام چرس برآمد، 2 ملزمان گرفتار۔

• جی ٹی روڈ ڈسٹرکٹ نوشہرہ: ہوٹل کے قریب گاڑی سے 4.5 کلوگرام چرس برآمد، ملزم گرفتار۔

• منڈی موڑ راولپنڈی کے قریب: ملزم کے قبضے سے 3.6 کلوگرام چرس برآمد۔

• اسلام نگر لاہور کینٹ: موٹر سائیکل سوار ملزم سے 200 گرام ویڈ برآمد۔

• ناظم آباد کراچی: کارگو آفس میں گھڑی کے ڈبے سے 15 گرام ویڈ برآمد۔

کارروائیوں کے دوران گرفتار ملزمان کے خلاف انسداد منشیات ایکٹ 1997 کے تحت مقدمات درج کر کے تحقیقات شروع کر دی گئی ہیں۔