اسلام آباد(روشن پاکستان نیوز) پاکستان اور برطانیہ کے درمیان ماحول کے تحفظ کیلئے 420 ملین پاؤنڈ کا معاہدہ طے پا گیا۔

وفاقی وزیر برائے موسمیاتی تبدیلی مصدق ملک نے کہا کہ ملک میں موسمیاتی تبدیلی سب سے بڑا چیلنج ہے، موسمیاتی تبدیلی کےاثرات سے نمٹنے کیلئے اجتماعی کاوشیں درکار ہیں۔

انہوں نے مزید کہا کہ پاکستان اور برطانیہ موسمیاتی تعاون میں بہترین تجربات شیئر کریں گے، ماحولیاتی منصوبوں سے سرمایہ کاری میں اضافہ ہو گا۔

اس موقع پر برطانوی وزیر بین الاقوامی امور نے کہا کہ ماحولیاتی تحفظ ہم سب کی مشترکہ ذمہ داری ہے۔

مزید پڑھیں: وزیر داخلہ برطانیہ پہنچ گئے، چند پاکستانیوں کی حوالگی کے معاملے پر برطانوی حکام سے بات چیت متوقع