راولپنڈی: فیلڈ مارشل سید عاصم منیر سے بحرین کے نیشنل گارڈ کے کمانڈر نے ملاقات کی۔ جس میں دوطرفہ دفاعی تعاون بڑھانے پر اتفاق کیا گیا۔
پاک فوج کے شعبہ تعلقات عامہ (آئی ایس پی آر) کے مطابق بحرین کے نیشنل گارڈ کے کمانڈر نے فیلڈ مارشل سید عاصم منیر سے ملاقات کی۔ جس میں باہمی دلچسپی کے امور، علاقائی سلامتی اور دوطرفہ دفاعی تعاون پر تفصیلی تبادلہ خیال کیا گیا۔
ملاقات میں دونوں ممالک نے پاکستان اور بحرین کے درمیان فوجی تعاون کو مزید وسعت دینے کے عزم کا اعادہ کیا۔
آئی ایس پی آر کے مطابق معزز مہمان نے پاک فوج کی پیشہ ورانہ صلاحیتوں کو سراہا اور خطے میں امن و استحکام کے لیے پاکستان کے کردار کو تسلیم کیا۔
یہ بھی پڑھیں: فیلڈ مارشل عاصم منیر سے ترک وزیرکی ملاقات، توانائی اور اسٹریٹجک تعاون پر تبادلہ خیال
فیلڈ مارشل سید عاصم منیر نے اس موقع پر دونوں ممالک کے دیرینہ برادرانہ تعلقات کو اجاگر کرتے ہوئے ہر شعبے میں بحرین کے لیے پاکستان کی مسلسل حمایت کے عزم کا اظہار بھی کیا۔
