اسلام آباد(روشن پاکستان نیوز) آئی جی اسلام آباد سید علی ناصر رضوی کے احکامات کے تحت اسلام آباد پولیس کی “اسلحہ سے پاک اسلام آباد” مہم جاری ہے۔

رواں ماہ نومبر میں غیر قانونی اسلحہ رکھنے کے الزام میں 138 ملزمان کو گرفتار کیا گیا اور 136 مقدمات درج کیے گئے۔ ملزمان کے قبضے سے 114 پستول، 5 گنیں، 10 کلاشنکوف، 5 رائفلیں معہ ایمونیشن اور 13 خنجر برآمد کیے گئے۔

مزید پڑھیں: امریکی ریاست ٹیکساس میں بم بنانے کا دعویٰ کرنے والے افغان شہری کو گرفتار کر لیا گیا

مہم کے دوران متعدد ٹارگیٹڈ آپریشنز بھی کیے گئے ہیں۔ اسلام آباد پولیس شہریوں کے تحفظ کے لیے ہر وقت سرگرم عمل ہے اور اسلحہ سمگلنگ کے نیٹ ورک میں ملوث ڈیلرز کے خلاف کارروائیاں جاری ہیں۔

شہریوں سے درخواست ہے کہ اپنے لائسنس یافتہ اسلحہ کو فوری طور پر متعلقہ تھانوں میں رجسٹر کروائیں۔

یہ معلومات ڈی آئی جی اسلام آباد محمد جواد طارق نے فراہم کیں۔