اسلام آباد(روشن پاکستان نیوز) پی ٹی آئی نے یکم دسمبر 2025 کو صوابی موٹر وے بند کرنے کا اعلان کیا ہے۔
تحریک انصاف کے رہنما احمد خان نیازی نے کہا ہے کہ یکم دسمبر کو پشاور موٹروے سے ایک بڑی ریلی نکالی جائے گی۔
احمد خان نیازی کی قیادت میں ریلی صوابی کے مقام تک پہنچے گی جہاں مرکزی احتجاج کیا جائے گا، ان کا کہنا تھا کہ یہ ایک روزہ احتجاج ہو گا۔
ان کا کہنا تھا کہ اس کا مقصد صرف موٹروے کی بندش نہیں بلکہ بانی پی ٹی آئی کی رہائی اور عدالتی حکم کے مطابق ملاقات کو یقینی بنانا بھی ہے۔
احمد خان نیازی کا کہنا تھا کہ ان کا مطالبہ صرف ملاقات تک محدود نہیں بلکہ عمران خان کی فوری رہائی ہے کیونکہ تحریک انصاف کے مطابق عمران خان پر قائم مقدمات سیاسی نوعیت کے ہیں۔
مزید پڑھیں: اڈیالہ جیل حکام نے عمران خان کی صحت سے متعلق افواہیں مسترد کر دیں
ان کا کہنا تھا کہ یہ احتجاج عوامی حمایت کے ساتھ کیا جائے گا، انہوں نے کہا کہ کارکنوں کو ہدایت کی گئی ہے کہ وہ قانون کو اپنے ہاتھ میں نہ لیں۔
