اسلام آباد(روشن پاکستان نیوز) ترجمان اسلام آباد پولیس کے مطابق رواں سال اسلام آباد پولیس میں ریکارڈ پرموشنز دی گئی ہیں۔
آئی جی اسلام آباد سید علی ناصر رضوی نے 20 ہیڈ کنسٹیبلز کو اے ایس آئی کے عہدوں پر ترقی کی منظوری دی مجموعی طور پر1016 افسران کو اگلے عہدوں پرترقی دی گئی، جس میں 10 ڈی ایس پیز کو ایس پی کے عہدے، 27 انسپکٹرز کو ڈی ایس پی اور 94 سب انسپکٹرزکوانسپکٹر کے عہدے شامل ہیں۔
اسی طرح 189 اے ایس آئی کوسب انسپکٹر، 306 ہیڈ کنسٹیبلزکواے ایس آئی کے عہدے پرترقی دی گئی جبکہ 350 کنسٹیبلزکوہیڈ کنسٹیبل اور40 کلیریکل سٹاف کو بھی اگلے عہدوں پرترقی دی گئی۔
مزید پڑھیں: اسلام آباد پولیس کا مختلف علاقوں میں گرینڈ سرچ آپریشن، متعدد مشکوک افراد حراست میں
آئی جی اسلام آباد نے ہدایت کی ہے کہ جس افسر کا حق ہو، اسے فوری پرموٹ کیا جائے اور ترقیوں کا یہ سلسلہ آئندہ بھی جاری رکھا جائے۔
آئی جی اسلام آباد نے کہا کہ پولیس کے افسران دن رات عوام کی خدمت پر مامور ہیں اوران کی قربانیوں کی بدولت عوام سکون کی نیند سوتی ہیں۔
ترقی یافتہ افسران اور اہلکار نہ صرف اپنے فرائض کی انجام دہی میں بہتر ہوں گے بلکہ عوام کی حفاظت اور امن و امان کو برقرار رکھنے میں بھی اہم کردار ادا کریں گے۔
یہ اقدام اسلام آباد پولیس میں حوصلہ افزائی اور پیشہ ورانہ معیار کو بڑھانے کی کوشش کے طور پر لیا گیا ہے۔
