کرم (روشن پاکستان نیوز) سکیورٹی فورسز نے خیبرپختونخوا کے ضلع کرم میں دو کارروائیوں کے دوران 23 خوارج کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق بھارت کے سرپرست یافتہ فتنہ الاخوارج کے 12 دہشت گرد ٹارگٹڈ آپریشن میں مارے گئے۔
آپریشن کے دوران سیکیورٹی فورسز نے خوارج کے ٹھکانے کو مؤثر انداز میں نشانہ بنایا، خفیہ اطلاعات پر ہونے والے آپریشن میں مزید 11 خوارج ہلاک ہوئے۔
آئی ایس پی آر کے مطابق خوارج کے ایک اور گروہ کی موجودگی سے متعلق خفیہ اطلاع پر ایک اور آپریشن کیا گیا، عزمِ استحکام کے تحت انسدادِ دہشت گردی کارروائیاں پوری رفتار سے جاری ہیں۔
مزید پڑھیں: زرداری محسنِ جمہوریت، آرمی چیف کو چیف آف ڈیفنس بنانا احسن اقدام ہے، سحرکامران
پاک فوج کے شعبہ تعلقات عامہ کے مطابق علاقے میں دیگر ممکنہ خوارج کے خاتمے کیلئے کلیئرنس آپریشن جاری ہے۔
وزیرِ اعظم محمد شہباز شریف نے کرم، خیبر پختونخوا میں فتنہ الخوارج کے خلاف کامیاب آپریشنز پر سیکیورٹی فورسز کے افسران و اہلکاروں کی پزیرائی کی اور 23 خارجیوں کو جہنم رسید کرنے پر سیکیورٹی فورسز کے افسران و اہلکاروں کی پیشہ ورانہ صلاحیتوں کی تعریف. کی۔
وزیراعظم نے کہا کہ دھشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے، مجھ سمیت پوری قوم وطن عزیز کی حفاظت کے غیر متزلزل عزم میں افواج پاکستان کے شانہ بشانہ کھڑی ہے.
