اسلام آباد (روشن پاکستان نیوز) اسلام آباد ہائیکورٹ نے بانی پی ٹی آئی عمران خان کا ایکس اکاؤنٹ بند کرنے کی درخواست سماعت کے لیے مقرر کردی۔
اسلام آباد ہائیکورٹ میں شہری غلام مرتضیٰ نے وکیل بیرسٹر ظفراللہ کے توسط سے درخواست دائر کی ہے۔
درخواست میں عمران خان کی غیرقانونی اور بدنیتی پر مبنی ٹوئٹس ہٹانےاوربلاک کرنے کی استدعا کی گئی ہے۔
درخواست میں مزید کہا گیا ہےکہ دوران قید ایکس اکاؤنٹ سے مبینہ انتشاری پوسٹس ہٹانے اور پھیلانے سے روکا جائے۔
مزید پڑھیں: نومبر 2024 میں عمران خان کی رہائی کیلئے اسٹیبلشمنٹ سے معاملات طے پا گئے تھے: شیر افضل کا دعویٰ
اسلام آباد ہائیکورٹ کے جسٹس ارباب محمد طاہر 4 نومبر کو اس درخواست پر سماعت کریں گے جس سلسلے میں رجسٹرار آفس نے کازلسٹ بھی جاری کردی ہے۔
عدالت نے عمران خان کو نوٹس جاری کرتے ہوئے جواب طلب کر رکھا ہے جب کہ نیشنل سائبر کرائم ایجنسی، سپرنٹنڈنٹ جیل اور دیگر فریقین سے بھی جواب طلب کیا گیا ہے۔
