لاہور(روشن پاکستان نیوز) مذہبی جماعت کے رہنماکے گھر سے برآمدگی کی تفصیلات سامنے آ گئی ہیں۔
ترجمان پنجاب پولیس کے مطابق چھاپے کے دوران کروڑوں روپے نقد اور زیورات برآمد ہوئے، 14 کروڑ 44 لاکھ کی پاکستانی کرنسی برآمد ہوئی۔
غیر ملکی کرنسی میں 50 ہزار کی بھارتی کرنسی بھی برآمد ہوئی،6کروڑ 34 لاکھ سے زائد مالیت کا سونا برآمد ہوا۔
برطانیہ، کینیڈا، سعودی عرب، یو اے ای کی کرنسی بھی برآمد ہوئی،غیر ملکی کرنسی کی مالیت 25 لاکھ روپے سے زیادہ ہے۔پولیس چھاپے کے دوران برآمدگی پر ایف آئی اے اور سائبر کرائم ایجنسی کے نمائندوں کی گواہی بھی شامل ہے۔
جعلی خبروں کیخلاف ایکشن شروع
مذہبی جماعت کے مظاہرے کے دوران جعلی خبروں کیخلاف ایکشن شروع کردیا گیا، ذرائع کے مطابق فیک نیوز نیٹ ورکس بے نقاب ہوگیا، مرکزی کرداروں کی فہرست تیار کر لی گئی،ملوث افراد کیخلاف این سی سی آئی اے کے تحت مقدمات درج ہوں گے۔
ایف آئی اے اور دیگر خصوصی یونٹس کی جانب سے ملزمان کی فوری گرفتاریاں متوقع ہیں،ڈیپ فیک لیب ایکٹو، جعلی ویڈیوز اور آڈیوز کی فرانزک جانچ جاری ہے۔
سوشل پلیٹ فارمز کو نوٹسز جاری کرنے کے سلسلے کا بھی آغازکردیا گیا،سوشل میڈیا سے فیک مواد 24 گھنٹے میں ہٹانے کی ہدایات کی گئی ہیں،سوشل میڈیا پر بار بار خلاف ورزی پر اکاؤنٹس کی مستقل معطلی کی سفارش زیر غورہے۔
مزید پڑھیں: پنجاب میں بلدیاتی انتخابات دسمبر کے آخری ہفتے میں ہونگے ، الیکشن کمیشن کا فیصلہ
حکام کا کہنا ہے کہ عوام محتاط رہیں، غیر مصدقہ ویڈیوز یا کلپس شیئر کرنے پر کارروائی ہو سکتی ہے، ریاستی اداروں کیخلاف نفرت انگیز جھوٹ پر زیرو ٹالرنس پالیسی نافذ ہے۔
پراپیگنڈہ فیک نیوز کے پیچھے موجود اوورسیز نیٹ ورک کی ٹریسنگ شروع کردی گئی،سفارت خانوں کے ذریعے سخت اقدامات کی تیاری جاری ہے۔
بیرون ملک ملوث افراد کیخلاف قانونی اور سفارتی کارروائیوں کی تیاریاں جاری ہیں،ریڈ نوٹس اور بین الاقوامی تعاون کے آپشنز پر مشاورت بھی جاری ہے۔
چینلز اور بلاگرز کوئی بھی مواد نشر کرنے سے پہلے دوہری تصدیق لازمی یقینی بنائیں،گمراہ کن ہیش ٹیگز اور ٹرولنگ سیلز کیخلاف بھی ٹارگٹڈ آپریشن شروع کردیا گیا ہے۔
پراپیگنڈہ، فیک نیوز کے مالی سہولت کاروں کی نشاندہی، مشکوک ٹرانزیکشنز کی اسکریننگ جاری ہے،ہنگامی حالات میں افواہیں پھیلانے پر اضافی سزائیں لاگو ہوں گی۔
اس طرح کے فیک اکاؤنٹس بھارت اور افغانستان سے آپریٹ ہو رہے ہیں،صوبائی فوکل پرسنز نامزد، فوری ری ایکشن اور کاؤنٹر میسجنگ یونٹس فعال کردئیے گئے،فیک نیوز رپورٹ کرنے کیلئےسرکاری ہیلپ لائن 1919 ایکٹوکردی گئی، شناخت خفیہ رکھی جائے گی۔
