اسلام آباد (محمد زاہد خان) پاکستانی انٹیلی جنس ایجنسی کی بڑی کارروائی کے دوران بھارتی فوج کے میجر دل بہار سنگھ کو گرفتار تفصیلات کے مطانق بھارتی فوج کا حاضر سروس میجر رینک کا آفیسر جو “داؤد شاہ” کے نام سے امام مسجد کے روپ میں مقامی آبادی میں مقیم تھا کو انتہائی پیشہ ورانہ مہارت و انٹیلی جینس آپریشن کے تحت گزشتہ رات پشاور کے مضافاتی علاقے میں گرفتار کر لیا گیا پشاور کی مضافاتی مسجد میں اس ڈاؤد شاہ نامی امام مسجد پر ایک انٹیلی جینس کے آفیسر کو شک گزرا جو یہاں نماز کی ادائیگی کے لیے آیا اور مقامی افراد کی اس امام مسجد کے بارے میں مشکوک شناخت کے حوالے سے بات چیت کو سنا اور پھر خاموشی سے اس مشکوک شخصیت پر کئی ہفتوں سے نظر رکھنا شروع کر دی اور پھر انتھک محنت و پیشہ ورانہ تربیت، جدید ٹیکنالوجی و مقامی افراد کے تعاون سے اس کی اصل شناخت بے نقاب کرتے ہوئے اس جاسوس و دہشت گرد میں مالی و تکنیکی معاونت اور اپنے ملک کے بتاۓ ہوۓ مشن، پاکستان میں دہشت گردی ، دہشت گرد گروپس میں شامل لوکل افراد کی مدد کرنے والے میجر دل بہار سنگھ (داؤد شاہ) کو نماز فجر کے وقت گرفتار کیا لیا جبکہ کارروائی کے اس خفیہ کاروائی کے دوران کسی قسم کی کوئی مزاحمت یا گولی باری کی اطلاع موصول نہیں ہوئی۔ ذرائع کے مطابق گرفتار بھارتی افسر مقامی زبان اور مذہبی رسومات میں مہارت رکھتا تھا، جس کے باعث وہ طویل عرصے تک شناخت سے بچا رہا انٹیلی جنس حکام کا کہنا ہے کہ وہ بھارتی فوج کی خفیہ شاخ ملٹری جینس، (R&AW) سے وابستہ ہے اور پاکستان میں دہشت گردی کو فروغ دینے، فرقہ وارانہ فسادات ہم آہنگی بگاڑنے اور حساس فوجی معلومات اکٹھی کرنے کے مشن پر تعینات تھا جیسے زندہ گرفتار کر لیا گیا اور انویسٹی گیشن کے لیے نامعلوم مقام پر منتقل کر دیا گیا ہے تاکہ معلوم کیا جاسکے کہ اس دہشت گرد بھارتی افسر کا پاکستان میں کس کس مقامی شخص، تنظیم، گروہ کے ساتھ رابطہ تھا کہ اس کے ساتھ ساتھ اس کے نیٹ ورک کو بھی انجام تک پہنچایا جائے۔
مزید پڑھیں: اسلام آباد: بحریہ ٹاؤن فیز 4 کے سیوک سینٹر میں پولیس کا بڑا کریک ڈاؤن، درجنوں افراد گرفتار
