لاہور(روشن پاکستان نیوز) پنجاب کے اسکولوں میں سرکاری افسران کو دورے کے دوران گلدستے اور تحائف پیش کرنے پر پابندی عائد کر دی گئی۔
ذرائع کے مطابق سیکرٹری ایجوکیشن نے پنجاب کے تمام اضلاع کے سی سی اوز ایجوکیشن کو گلدستے اور تحائف پیش کرنے پر پابندی کے حوالے سے مراسلہ جاری کر دیا۔
جاری کردہ مراسلے کے مطابق سیکرٹری ایجوکیشن کے مختلف دوروں کے دوران اسکول انتظامیہ کی جانب سے گلدستے اور مہمان نوازی کے لیے اخراجات کا بےجا استعمال دیکھا گیا ہے۔
پنجاب کے اسکولوں کو تحائف کے اخراجات اسکولوں اور طلبا کی فلاح و بہبود کے لیے وقف کرنے کی ہدایت کر دی گئی۔
یہ بھی پڑھیں: سندھ حکومت کا کل کراچی میں اسکول بند رکھنے کا اعلان
مراسلے میں ہدایت کی گئی کہ سادگی اپنائی جائے۔ اور سرکاری افسران کے دوروں پر پھول و تحائف نہ پیش کیے جائیں۔ جبکہ تمام ایجوکیشن افسران نمائشی کلچر کی حوصلہ شکنی کریں۔
سیکرٹری ایجوکیشن نے محکمے کے تمام افسران کو مراسلے پر عملدرآمد فوری طور پر یقینی بنانے کی ہدایت کر دی۔
