اسلام آباد(روشن پاکستان نیوز) قومی ایئر لائن (پی آئی اے) نے لاہور سے پیرس کے لیے اپنے فضائی آپریشن کو بند کرنے کا فیصلہ کر لیا۔
ذرائع کے مطابق پی آئی اے کی پیرس سے لاہور کے لیے آخری پرواز 12 ستمبر کو روانہ ہو گی۔ اور لاہور سے پیرس کے لیے آخری پرواز 17 ستمبر کو آپریٹ کی جائے گی۔
ترجمان پی آئی اے کے مطابق اسلام آباد سے پیرس کے لیے دوطرفہ فلائٹ آپریشن مکمل طور پر فعال رہے گا۔ جبکہ برطانوی آپریشن کی تیاری کے لیے جہازوں کی تزئین و آرائش کیلئے آپریشنل بیڑے کو محدود کیا جائے گا۔
واضح رہے کہ پی آئی اے نے 18 جون سے ہفتہ وار دو پروازیں لاہور سے پیرس کے لیے شروع کی تھیں۔
یہ بھی پڑھیں:پی آئی اے کا پاکستان سے قطر، بحرین، کویت اور دبئی کا فضائی آپریشن منسوخ
ذرائع کا کہنا ہے کہ پی آئی اے کے بیڑے میں بارہ 777 ساختہ طیاروں میں سے 7 ٹرپل سیون طیارے گروانڈ ہیں۔ پی آئی اے بوئنگ 777 طیارے سعودی عرب پیرس اور ٹورنٹو کے لیے فلائٹ آپریشن میں استعمال کر رہی ہے۔
