لاہور(روشن پاکستان نیوز) لاہور میں پاکستان تحریک انصاف (پی ٹی آئی) کے رہنما اور پنجاب پولیس آمنے سامنے آگئے۔ لاہور پولیس نے احتجاج کرنے والے پی ٹی آئی رہنماؤں اور کارکنوں کو گرفتار کرنا شروع کر دیا ہے

ذرائع کے مطابق 3 روز کے دوران 500 زائد کارکنان کو گرفتار کرلیا گیا ہے۔ صبح سے اب تک احتجاج کی کوشش کرنے والے ڈپٹی اپوزیشن لیڈر سمیت 6 ایم پی ایز بھی گرفتار کیے گیے ہیں۔

ذرائع کا کہنا ہے کہ ایوان عدل کے باہر پولیس کی بھاری نفری تیعنات اور لبرٹی چوک پر بھی کنٹرینرز پہنچا دئیے گئے ہیں۔ اس کے علاوہ قیدی وینز اور واٹر کینن ایوان عدل کے باہر پہنچا دی گئی ہیں۔

ذرائع کے مطابق لاہور میں ایوان عدل سے وکلا کی لاہور ہائیکورٹ تک ریلی نکالنے کی کوشش پولیس نے ناکام بنا دی۔ وکلا نے احتجاج کرتے ہوئے سڑک بلاک کر دی۔ پولیس نے ایوان عدل سے ریحانہ ڈار، ان کی بہو عروبہ ڈار سمیت کئی رہنماؤں کو گرفتار کرلیا۔ پی ٹی آئی کی وکیل رہنما ناز بلوچ بھی ایوان عدل کے باہر سے گرفتار کرلی گئیں۔

ادھر تحریک انصاف کی احتجاج کی کال پر اڈیالہ جیل کے باہر سیکیورٹی کے سخت انتظامات کیے گئے ہیں جبکہ اضافی نفری کے ساتھ ساتھ رکاوٹیں بھی کھڑی کی گئی ہیں۔ اڈیالہ جیل جانیوالے راستوں پر پولیس کے ناکے لگ گئے ہیں۔

خیبرپختونخوا میں پی ٹی آئی کی ریلی

عمران خان کی رہائی کے لیے صوبے میں احتجاج کی مرکزی ریلی وزیر اعلیٰ خیبرپختونخوا علی امین گنڈاپور کی قیادت میں پشاور میں حیات آباد ٹول پلازہ سے شروع ہوکر پیر زکوڑی پل سے ہوتی ہوئی قلعہ بالا حصار پر اختتام پزیر ہو گی۔

ذرائع کے مطابق صوبائی صدر پی ٹی آئی جنید اکبر مالاکنڈ کی ریلی کی قیادت چکدرہ ٹول پلازہ پر کریں گے۔ مردان کی ریلی کی قیادت عاطف خان کریں گے۔ مردان، صوابی اور چارسدہ کی ریلیاں امبار انٹرچینج پر اختتام پذیر ہونگی۔

مزید پڑھیں: عمران خان کی رہائی ایک گھنٹے میں ہو سکتی ہے لیکن وہ ڈیل نہیں کریں گے: اسد قیصر

اس کے علاوہ نوشہرہ اور مہمند سے کی ریلی اٹک پل خیر آباد میں احتجاج کرے گی۔اپر چترال سے نکلنے والی ریلی لوئر چترال میں پہنچ کر احتجاج کریں گے۔ ہزارہ ڈویژن کی ریلی ہری پور جاری کس انٹر چینج پر احتجاج کریں گی۔

اس موقع پر وزیراعلیٰ خیبر پختونخوا علی امین گنڈاپور نے کہا ہے کہ 5 اگست پاکستان کی تاریخ کا سیا ہ ترین دن ہے، بانی پی ٹی آئی کو ناحق اور ناکردہ جرم میں سزا دے کر آئین و قانون کو پامال کیا گیا اور بانی چئیرمین کو توڑنے کے لیے تمام تر حربے ناکام ثابت ہوئے۔

علی امین گنڈاپور کا کہنا ہے کہ بانی پی ٹی آئی کو اذیت دینے کے لیے بشریٰ بی بی کو بھی ناحق قید کیا گیا، آج بھی ہم بانی پی ٹی آئی کے حکم پر آئین و قانون کی بات کرتے ہیں،عوام آج ثابت کرے گی کہ بانی چئیرمین پاکستان کا سب سے مقبول ترین لیڈر ہے۔

پی ٹی آئی کی کال پر اکثر اراکین پارلیمنٹ کے پی ہاؤس میں موجود

تحریک انصاف کی احتجاج کی کال پر پی ٹی آئی کے اکثر اراکین پارلیمنٹ خیبرپختونخوا ہاؤس میں ہی موجود ہیں جس کے باعث ارکین تاحال حتمی لائحہ تشکیل نہ دے پائے۔

ذرائع کے مطابق کچھ اراکین پارلیمنٹ سے کہہ رہے تو کچھ خیبرپختونخوا ہاوس سے اڈیالہ جیل جانے کی بات کررہے ہیں، تاہم اس وقت اسلام آباد اور راولپنڈی میں احتجاج کیلئے کوئی رہنماء یا کارکن نظر نہیں آیا۔

سانگھڑ میں احتجاج

عمران خان کی رہائی کے لئے سندھ بھر میں احتجاج اور ریلیاں جاری ہیں۔

پی ٹی آئی سندھ کے رہنما حلیم عادل شیخ نے ایکس اکاؤنٹ پر ویڈیو شئیر کی جس میں دکھایا گیا کہ سانگھڑ میں پی ٹی آئی لیبر ونگ اور وومن ونگ کی جانب سے احتجاج کیا جارہا ہے۔