اٹک (روشن پاکستان نیوز) — میانوالی کے ابھرتے ہوئے ممتاز فوک گلوکار عابد شہزاد نیازی کے نئے سرائیکی گیت “کالے کپڑے” کی آڈیو اور ویڈیو ریکارڈنگ مکمل کر لی گئی ہے۔ اس موقع پر صحافیوں سے گفتگو کرتے ہوئے عابد شہزاد نے بتایا کہ ان کا یہ نیا گیت منفرد انداز اور دلکش دھن پر مشتمل ہے، جس میں معروف شاعر منیر شہاب کا کلام شامل ہے۔

موسیقی کی کمپوزیشن امید وٹو نے دی ہے جبکہ ریکارڈنگ بابو جی اسٹوڈیو میں کی گئی ہے۔ اس پروجیکٹ میں خصوصی تعاون ایم اختر ہاشمی نے فراہم کیا ہے۔ عابد شہزاد نے امید ظاہر کی کہ موسیقی کے شوقین افراد اس گیت کو بہت پسند کریں گے۔

انہوں نے مزید کہا کہ ان کے پہلے بھی کئی گیت سوشل میڈیا اور یوٹیوب پر مقبولیت حاصل کر چکے ہیں۔ نیا گیت “کالے کپڑے” 2 اگست کو عابد شہزاد کے آفیشل یوٹیوب چینل اور دیگر سوشل میڈیا پلیٹ فارمز پر ریلیز کیا جائے گا۔