لاڑکانہ(روشن پاکستان نیوز) ذوالفقار علی بھٹو جونیئر نے اپنا پہلا الیکشن لاڑکانہ سے لڑنے کا اعلان کر دیا۔
میر مرتضیٰ بھٹو کے صاحبزادے ذوالفقار علی بھٹو جونیئر نے دادو میں بات چیت کرتے ہوئے کہا کہ کسی سے اتحاد کے بغیر عوام کی طاقت سے اقتدار میں آئیں گے۔
انہوں نے کہا کہ ہمیں نئی سوچ سے آگے بڑھنا چاہیے، سندھ کی زمینیں اور معدنی وسائل پر لوٹ مار اور قبضہ برداشت نہیں کریں گے، ہمیں امیروں کی طرح سیاست نہیں کرنی چاہیے۔
ان کا کہنا تھا کہ شہید مرتضیٰ بھٹو کا نظریہ بڑھانے کے لیے ہم نئی سوچ اور نظریے سے آرہے ہیں اور ہم عوام کی طاقت سے اقتدار میں آنا چاہتے ہیں۔ انہوں نے اس موقع پر لاڑکانہ سے اپنا پہلا الیکشن لڑنے کا اعلان کیا۔
وہ لاڑکانہ کی کس نشست سے الیکشن لڑیں گے اس بارے میں انہوں نے کچھ نہیں بتایا، یاد رہے کہ لاڑکانہ سے قومی اسمبلی کی دو اور صوبائی اسمبلی کی چار سیٹیں ہیں۔
مزید پڑھیں: واٹس ایپ میسج بلیو ٹک لگے بغیر پڑھنے کے آسان اور بہترین طریقے جانیں
