لندن(روشن پاکستان نیوز) اولمپک گولڈ میڈلسٹ ارشد ندیم کو پلاٹس دینے کے دعوے جھوٹے نکلے۔

یرس اولمپکس 2024 میں گولڈ میڈل جتوانے والے جیولین تھرور ارشد ندیم نے اپنے ایک انٹرویو میں فتح کے بعد انعامات کے اعلانات کا پول کھول دیا۔

ارشد ندیم نے کہا کہ میرے لیے جتنے بھی انعامات کے اعلانات کیے گئے تھے۔ ان میں تمام پلاٹس کے اعلانات جعلی تھے جو کہ مجھے نہیں ملے۔ اس کے علاوہ جو نقد انعامات کا اعلان کیا گیا تھا وہ سب مجھے مل چکے ہیں۔

انہوں نے کہا کہ میری ساری توجہ خود پر ہے لیکن اس کے علاوہ جو بھی نوجوان ہمارے پاس ٹریننگ کے لیے آتا ہے ہم اس کو ٹریننگ دیتے ہیں۔ یہ ٹریننگ میرے کوچ سلمان بٹ دیتے ہیں۔

 مزید پڑھیں: مسافر طیاروں کی حفاظت ، لاہور کی حدود کو نو برڈ زون بنانے کیلئے رنگ فینسنگ کا فیصلہ

واضح رہے کہ گزشتہ برس ارشد ندیم نے پیرس اولمپکس میں جیولین تھرو ایونٹ کے فائنل میں92.97 میٹر کی تھرو کر کے نیا اولمپک ریکارڈ بنا کر پاکستان کو گولڈ میڈل جتوایا تھا۔

ارشد ندیم کی اس شاندار فتح کے بعد ان کے لیے حکومت پاکستان، صوبائی حکومتوں حتیٰ کہ کئی نجی اداروں کی جانب سے کروڑوں کے انعامات سمیت پلاٹس کے اعلانات بھی کیے گئے تھے۔