اسلام آباد(روشن پاکستان نیوز) پاکستان نے بھارت کی حالیہ جارحیت کے بعد جوابی کارروائی کرتے ہوئے آپریشن بنیان مرصوص کاآغاز کردیا، پاکستان افواج نے کاررروائی کرتے ہوئے بھارت کے پٹھان کوٹ، آدم پورایئربیسز اورادھم پورفیلڈ ایئر، سورت گڑھ ایئر فیلڈ بیلاس کے علاقے براہموس اسٹوریج سائٹ، اُڑی میں بریگیڈ ہیڈکوارٹر جی ٹاپ اورسپلائی ڈپو جب کہ راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز تباہ کردیا۔
سرسہ ائیر فیلڈ تباہ
سیکیورٹی ذرائع کے مطابق بھارت کی سرسہ ائیر فیلڈ کو بھی تباہ کر دیا گیا ہے جس کی تصدیق انڈین میڈیا نے خود کر دی ہے۔
بھارت کا s-400 سسٹم اورسورت گڑھ ایئر فیلڈ مکمل طور پر تباہ
پاکستانی ائیر فورس کے جے ایف 17 تھنڈر کے ہائپر سونک میزائلوں نے آدم پورمیں بھارت کا s-400 سسٹم اورسورت گڑھ ایئر فیلڈ کو بھی مکمل طورپرتباہ کردیا ہے۔
پاک فوج نے براہموس اسٹوریج سائٹ نگروٹا کو بھی تباہ کر دیا گیا، بھارتی آرٹلری گن پوزیشن دہرنگیاری کوبھی تباہ کردیا گیا، متعدد اہداف کونشانہ بنایا جا رہا ہے، دشمن کے بھاری نقصان کی اطلاعات ہیں۔
پاک افواج نے کارروائی کرتے ہوئے آدم پورایئربیس بھی تباہ کردیا ہے، جہاں سے سکھوں پر میزائل حملے کئے تھے۔
سیکیورٹی نے مقبوضہ کشمیر کےعلاقے اُڑی میں واقع بھارتی بریگیڈ ہیڈکوارٹر “جی ٹاپ” اور سپلائی ڈپو کو مکمل طورپر تباہ کر دیا ہے۔
بھارت کی 70 فیصد سے زائد بجلی گرڈ ناکارہ
حملے میں دشمن کے فوجی انفراسٹرکچر کو شدید نقصان پہنچا، ادھر سائبر وارفیئر کے ذریعے بھارت کے خلاف ایک بڑی کارروائی عمل میں لائی گئی ہے، جس کے نتیجے میں ملک کے 70 فیصد سے زائد بجلی گرڈ ناکارہ ہو چکے ہیں۔
سیکیورٹی ذرائع کے مطابق افواج پاکستان کی طرف سے ان تمام بیسزکوٹارگٹ کیاجارہاہے جہاں سے پاکستانی عوام اورمساجد پرحملے ہوئے تھے۔
پاک افواج کی جانب سے دشمن پر فتح ون میزائل سے فائر کئے جا رہے ہیں، ادھم پور ایئر بیس پر 3 میزائل کئے جب سے ایئر بیس مکمل تباہ کردیا ہے۔
بھارت کی اڑی فیلڈ سپلائی ڈپو، بٹھنڈہ ائیر فیلڈ اور کھنور ایوی ایشن بیس تباہ
پاک فوج نے بھارتی اڑی فیلڈ سپلائی ڈپو ، بٹھنڈہ ائیر فیلڈ اور کھنور ایوی ایشن بیس کو بھی تباہ کر دیا۔
ایل و سی: بھارت کی متعدد پوسٹیں مکمل تباہ
پاک فوج نے لائن آف کنٹرول پر ربتانوالی پوسٹ، ڈنہ پوسٹ، خواجہ بھیک کمپلیکس اور رنگ کنٹوئر بالمقابل سنکھ بھی مکمل تباہ کر دیں۔
افواج پاکستان کی توپوں نے بھارتی توپوں کو خاموش کرا دیا۔بھارتی پوسٹوں کی تباہی کے مناظر ویڈیو میں دیکھے جا سکتے ہیں۔
اپنےعوام کی حفاظت کیلئے ہرحد تک جائیں گے، ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف چوہدری نےکہا ہے کہ بھارت نے پاکستان کےعلاقے نورخان ایئربیس،مرید بیس اور شورکوٹ پر فضا سے زمین پر مار کرنے والے میزائل حملے کئے جنہیں پاک فوج نے ناکام بنادیا۔
ڈی جی آئی ایس پی آرلیفٹیننٹ جنرل احمد شریف نے ہنگامی پریس کانفرنس میں کہا کہ بھارتی میزائل حملوں کو ایئرفورس بیسزپرزیادہ ترمیزائل ایئرڈیفنس سسٹم نے ناکام بنا دیئے پاک فضائیہ کے تمام اثاثے محفوظ ہیں، اپنےعوام کی حفاظت کیلئے ہرحد تک جائیں گے۔
کچھ میزائل ائیربیس پرگرے مگرکوئی نقصان نہیں ہوا، تمام ثبوت موجود ہیں کہ یہ میزائل کہاں سے داغے گئے، یہ حملے پاک افواج کے حوصلوں کو کم نہیں کرسکتے، پاک افواج کے حوصلے ہرحملے کیساتھ بڑھ رہے ہیں۔
حملوں کی ناکامی کے بعد بھارت کی مایوسی بڑھ رہی ہے، بھارتی پنجاب اور افغانستان پرحملے بھارتی شرانگیزی کا ثبوت ہیں یہ حملے پاکستان کی غیورعوام کے حوصلوں کوکم نہیں کرسکتے، پاک فوج ہمہ وقت دفاع وطن کیلئے تیار ہے۔
بھارت کے بزدلانہ اقدامات سے مرعوب نہیں ہوں گے، بھارت کی بلا اشتعال جارحیت سے پاکستانی عوام کا جذبہ کم نہیں ہوا، بھارت نے اپنے پنجاب میں حملے کیے ، بھارت عدم توازن پیدا کرکے خطے کوجنگ کی طرف دھکیلنا چاہتا ہے، بھارت کی بڑھتی جارحیت کو ناکام بنایا جارہا ہے۔
بھارت اپنے پاگل پن کی وجہ سے خطے کو جنگ کی طرف دھکیل رہا ہے، بھارت نے افغانستان میں بھی میزائل اور ڈرون حملے کیے، جس سے خطے کی سلامتی کو شدید خطرات لاحق ہو گئے ہیں۔
