لاہور(روشن پاکستان نیوز) وزیراعلیٰ مریم نواز کی زیر صدارت پنجاب کابینہ کا اجلاس ہوا جس میں کاشتکاروں کے لئے اہم فیصلوں کی منظوری دی گئی،کابینہ نے وزیراعلیٰ مریم نواز کے گرلز ایجوکیشن کے ویژن کو بھی قابل تحسین قرار دیا۔
اعلامیہ کے مطابق اجلاس میں فلور ملز کیلئے25فیصد گندم خریداری کیلئے فوڈگرینز آرڈر میں ترمیم کی منظوری دی گئی،25فیصد گندم خریداری نہ کرنے والی فلور ملز کے لائسنس منسوخ ہوسکتے ہیں۔
گندم کے کاشتکاروں کے حقوق کے تحفظ کیلئے ویٹ سیکٹر کی ڈی ریگولیشن،الیکٹرانک ویئر ہاؤس ریسیٹ سسٹم کے نفاذ کی تجویز کی منظوری دی گئی ، کاشتکار کواپنی گندم سٹور کرنے کی سہولت ملے گی، اسٹوریج کے اخراجات حکومت برداشت کرے گی۔
وزیراعلیٰ مریم نوازشریف کی کاوشوں سے پنجاب میں چاول کے کاشتکاروں کیلئے بھی اہم فیصلے کی منظوری دی گئی ،انہوئی اکیڈمی آف ایگریکلچرل سائنسز چین اور ایوب ایگریکلچرل ریسرچ انسٹیٹیوٹ فیصل آباد میں ایم او یو کی منظوری دی گئی۔
چین کا ادارہ پنجاب میں چاول کاہائیبرڈ سیڈ متعارف کرانے کیلئے معاونت کرے گا ،وزیراعلیٰ پنجاب مریم نواز نے کہا کہ زرعی تحقیق کا فائدہ براہ راست کاشتکار کو پہنچنا چاہیے۔
15لاکھ مزدورں اور ورکرز کیلئے راشن کارڈ متعارف کرانے کا فیصلہ کیا گیا، ورکرز کو راشن کارڈ کے ذریعے10ہزار روپے ماہانہ امداد کی تجویز پر اتفاق کیا گیا۔
اعلامیہ میں مزید کہا گیا کہ وزیراعلیٰ مریم نواز نے واٹر سپلائی اسکیموں کے واجبات کی فوری ادائیگی کا حکم دیا،چلڈرن لائبریری کمپلیکس لاہور کے قواعد و ضوابط میں ترمیم کی منظوری دی گئی ،چلڈرن لائبریری کمپلیکس میں نوازشریف ارلی ایجوکیشن سینٹر آف ایکسی لینس قائم کیا جائے گا۔
مزید پڑھیں: پنجاب میں بلدیاتی انتخابات ستمبر میں کرانیکا فیصلہ ، امیدواروں کیلئے تعلیمی قابلیت کی نئی شرط
پنجاب کے مختلف شہروں میں ماحول دوست الیکٹرک بسیں چلانے کی منظوری دی گئی ، وزیراعلیٰ مریم نواز نے راجن پور میں بھی الیکٹرک بس سروس شروع کرنے کی ہدایت کی ۔
تمام واسا اور پارکس اینڈ ہیرٹی کلچر کی کپسٹی بلڈنگ کرنے کی ہدایت بھی دی گئی،فیصل آباد اور گوجرانوالہ میں ماس ٹرانزٹ سسٹم کے فزیبلیٹی اسٹڈی کی منظوری دی گئی ۔
لاہور میں ییلو، بلیو اور پرپل لائن کے ماس ٹرانزٹ سسٹمز کی فزیبلیٹی اسٹڈیز کی منظوری بھی دی گئی ،چنگ چی رکشوں کو ریگولیٹ کرنے کیلئے موٹر وہیکل رولز 1969ء میں ترامیم ،ادویات و ڈرگ کی خریداری کی مد میں واجبات کی ادائیگی کیلئے اضافی فنڈز کی فراہمی کی منظوری دی گئی ۔
پنجاب کے ٹرشری کیئر اسپتالوں کیلئے فرنیچر و آلات کی خریداری کیلئے فنڈز کی فراہمی کی منظوری دی گئی مریم نواز نے اسپتالوں میں فرنیچر اور طبی آلات کی خریداری کیلئے مطلوبہ فنڈز فراہم کرنے کا حکم دیا۔
پنجاب کنزیومر پروٹیکشن ایکٹ 2005ء میں مجوزہ ترامیم ،لیبر کوڈ کے مسودہ کی منظوری دی گئی ،کنسٹریکشن،ایگریکلچر اور دیگر شعبے کے ورکرزبھی شامل ہوسکیں گے۔
پنجاب ایگریکلچر ریسرچ بورڈ میں بھرتیوں پر پابندی میں نرمی،پنجاب پبلک پرائیویٹ پارٹنرشپ اتھارٹی میں بھرتیوں کی منظوری دی گئی،اس کے علاوہ چیف ڈرگز کنٹرولر کے دفتر،صوبائی کوالٹی کنٹرول بورڈ لاہور کے ملازمین کے کنٹریکٹ میں توسیع کی منظوری بھی دی گئی ۔
