اسلام آباد(روشن پاکستان نیوز) ریلویز پولیس نے بلوچستان میں چلنے والے ٹرینوں کی سیکیورٹی کے لئے نیا پلان تشکیل دے دیا۔
آئی جی ریلویز رائے محمد طاہر نے کہا ہے کہ کوئٹہ سے چلنے والی ٹرینوں میں سیکیورٹی نفری کی تعداد دو گنا بڑھا کر 40 اہلکار کر دی گئی ہے۔
آئی جی ریلویز پولیس نے صحافیوں سے غیر رسمی گفتگو کرتے ہوئے کہا کہ وائر لیس سسٹم کو اپ گریڈ کرکے بلا تعطل کمیونیکیشن کا نظام بھی فعال کر دیا گیا۔
آئی جی ریلویز رائے محمد طاہر سبی اور مچھ ریلوے اسٹیشنوں کی باؤنڈری وال تعمیر کی جائے گی، برجیاں بنا کر سنائپر تعینات کئے جائیں گے۔
نئے سسٹم سے کسی بھی ناگہانی ریلویز پولیس کا کمیونیکیشن سسٹم بہتر طور پر کام کرے گا، سیکیورٹی کے پیش نظر 5 بلٹ پروف بوگیوں کی تیاری بھی جاری ہے۔
بلٹ پروف بوگی پر لانگ رینج رائفل، نائٹ ویژن سیکیورٹی آلات لگائے جائیں گے، بلوچستان میں سیکیورٹی نفری کمی پوری کرنے کے لئے 150 اہلکاروں کو تعینات کیا جائے گا۔
مزید پڑھیں: ایئرپورٹ تھیوری: سوشل میڈیا کا نیا خطرناک ٹرینڈ، کئی مسافر پروازیں مس کر بیٹھے
