اسلام آباد(روشن پاکستان نیوز) بلاول بھٹو زرداری کو پاکستان پیپلز پارٹی کا چیئرمین منتخب کر لیا گیا۔
پیپلز پارٹی کی جانب سے جاری کر دہ اعلامیہ کے مطابق پاکستان پیپلز پارٹی کے انٹرا پارٹی انتخابات کے نتائج کا اعلان کر دیا گیا۔ جس کے مطابق بلاول بھٹو زرداری کو پاکستان پیپلز پارٹی کا چیئرمین منتخب کیا گیا ہے۔
ہمایوں خان کو پاکستان پیپلز پارٹی کا سیکرٹری جنرل جبکہ ندیم افضل چن کو پاکستان پیپلز پارٹی کا سیکرٹری اطلاعات منتخب کیا گیا ہے۔
یہ بھی پڑھیں:غربت کا خاتمہ میری اولین ترجیح ہے،مریم نواز
پاکستان پیپلز پارٹی کی سیکرٹری فنانس آمنہ پراچہ کو منتخب کیا گیا ہے۔
واضح رہے کہ انٹرا پارٹی انتخابات پیپلز پارٹی سینٹرل سیکرٹریٹ اسلام آباد میں ہوئے۔ اور فوزیہ حبیب نے بطور سینٹرل الیکشن کنوینئر انتخابی عمل کی نگرانی کی۔
