انطالیہ(روشن پاکستان نیوز)  وزیر اعلیٰ پنجاب مریم نواز نے کہا ہے کہ صحت اور تعلیم کے شعبے پر توجہ دے رہے ہیں۔ جبکہ غربت کا خاتمہ اولین ترجیح ہے۔

وزیر اعلیٰ پنجاب مریم نواز نے ترکیہ میں بین الاقوامی ڈپلومیسی کانفرنس سے خطاب کرتے ہوئے کہا کہ 2024 میں بطور وزیر اعلیٰ منصب سنبھالا۔ اور بین الاقوامی ڈپلومیسی کانفرنس سے خطاب اعزاز کی بات ہے۔

انہوں نے کہا کہ صحت اور تعلیم کے شعبے پر توجہ دے رہے ہیں۔ جبکہ بطور وزیر اعلیٰ صحت، تعلیم اور غربت کا خاتمہ میری اولین ترجیح ہے۔ پنجاب میں صحت اور تعلیم کے شعبے پر خصوصی توجہ دے رہے ہیں۔

یہ بھی پڑھیں: 15 لاکھ گھرانوں‌ کو راشن کارڈ، مریم نواز نے بڑی خوشخبری سنادی

مریم نواز نے کہا کہ پنجاب پاکستان کا سب سے بڑا صوبہ ہے۔ اور پنجاب میں تعلیم کے فروغ کے لیے اقدامات کیے ہیں۔ مجھے پنجاب کی پہلی خاتون وزیر اعلیٰ منتخب کیا گیا۔ جبکہ پنجاب میں خواتین کو بااختیار بنانے کے لیے کام کر رہے ہیں۔

انہوں نے کہا کہ پنجاب میں اسکولوں کو جدید ٹیکنالوجی پر منتقل کیا جا رہا ہے۔ اور میں تعلیم کے سفیر کے طور پر کام کر رہی ہوں۔ بچیوں کو تعلیم یافتہ بنانا میری ترجیح ہے۔ اور صوبے میں اساتذہ کی تربیت کے لیے اقدامات کیے گئے ہیں۔ جبکہ لاہور میں نواز شریف کے نام سے پہلا انٹرنیٹ سٹی بنانے جا رہے ہیں۔