پشاور(روشن پاکستان نیوز) یونیورسٹی کے شعبہ صحافت کو مقتول صحافی ارشد شریف کے نام سے منسوب کرنے کا فیصلہ کر لیا گیا۔
خیبر پختونخوا کے وزیر برائے اعلیٰ تعلیم مینا خان آفریدی نے کہا ہے کہ وزیر اعلیٰ علی امین گنڈاپور نے پشاور یونیورسٹی کے شعبہ صحافت کو ارشد شریف کے نام سے منسوب کرنے کا کہا ہے۔
مزید پڑھیں: خیبر پختونخوا پولیس خوارج کے نشانے پر؟
مینا خان آفریدی نے بتایا کہ وزیرِ اعلیٰ کے اعلان پر جلد کام شروع کیا جائے گا ، وزیر اعلیٰ کی ہدایت پر عملدرآمد کرکے جرنلزم ڈیپارٹمنٹ کا نام تبدیل کرینگے۔
مینا خان آفریدی کا مزید کہنا تھا کہ پاکستان میں حقیقی جمہوریت کی بحالی میں صحافیوں کا کردار مسلمہ ہے۔
