کراچی(روشن پاکستان نیوز) آئی جی سندھ غلام نبی میمن نے اسٹریٹ کرائم میں 50 فیصد کمی کا دعویٰ کر دیا۔

آئی جی سندھ غلام نبی میمن نے سندھ ہائیکورٹ میں میڈیا سے گفتگو کرتے ہوئے کہا کہ رمضان میں اسٹریٹ کرائم میں کمی آئی ہے۔ اور ڈیٹا کے مطابق اس وقت 25 کیسز رپوٹ ہو رہے ہیں۔

انہوں نے دعویٰ کیا کہ اسٹریٹ کرائمز میں 50 فیصد کمی ہوئی ہے۔ تاہم ابھی بھی اسٹریٹ کرائمز کو کم کرنے کی ضرورت ہے۔ تفتیش کو بہتر بنانے کے لیے اچھے افسران بھرتی کیے جائیں گے۔

یہ بھی پڑھیں: وزیر اعلیٰ سندھ کا 30 ہزار طلبا کو اسکالر شپس دینے کا اعلان

غلام نبی میمن نے کہا کہ منشیات سپلائی کا مسئلہ سندھ کا نہیں بلکہ پورے ملک کا ہے۔ سزاؤں کی شرح میں اضافے سے ہی جرائم میں کمی آ رہی ہے۔ اور ہم کوشش کر رہے ہیں کہ انویسٹی گیشن افسران کے زیادہ تبادلے نہ ہوں۔

مصطفیٰ عامر کیس سے متعلق انہوں نے کہا کہ مصطفیٰ عامر کیس کے شواہد سے متعلق کوئی خط نہیں ملا۔ اور میری ایڈیشنل آئی جی سے فون پر بات ہوئی ہے۔ مختلف قسم کے شواہد ہیں جنہیں اکٹھا کیا جارہا ہے۔