اسلام آباد (روشن پاکستان نیوز) عید الفطر کے قریب آتے ہی جیو نیوز کے صحافیوں اور ورکرز میں تنخواہوں کی عدم ادائیگی پر شدید غم و غصہ پایا جا رہا ہے، اور وہ سراپا احتجاج ہیں۔ ذرائع کے مطابق جیو نیوز کے ملازمین نے اس صورتحال کے خلاف آواز بلند کرتے ہوئے جیو نیوز کے مالک میر شکیل الرحمن کو ایک ہزار 420 روپے چندہ بھیجا ہے تاکہ وہ ورکرز کی تنخواہیں ادا کر سکیں۔
تفصیلات کے مطابق جیو نیوز کے مالکان کی جانب سے اب تک ورکرز کی تنخواہوں کی ادائیگی نہیں کی گئی، جس کی وجہ سے صحافیوں اور دیگر عملے میں تشویش کی لہر دوڑ گئی ہے۔ عید کی تعطیلات قریب آنے کے باوجود، ملازمین مالی مشکلات کا سامنا کر رہے ہیں، جس پر وہ جیو نیوز کے دفتر کے سامنے احتجاج کر رہے ہیں۔
اس دوران، جیو نیوز کے مالک میر شکیل الرحمن کو ایک ہزار 420 روپے چندہ ارسال کیا گیا تاکہ وہ ورکرز کی تنخواہوں کی ادائیگی میں مدد فراہم کر سکیں، لیکن یہ رقم تنخواہوں کی مکمل ادائیگی کے لیے ناکافی ہے۔
ملازمین نے میر شکیل الرحمن سے درخواست کی ہے کہ وہ فوری طور پر اپنے ورکرز کی تنخواہیں ادا کریں تاکہ ان کی عید خوشیوں سے بھرپور ہو سکے اور ان کے مالی مسائل حل ہو سکیں۔
ملازمین نے احتجاجی بیانات میں کہا کہ “شرم کرو، حیا کرو، ورکرز کو ان کی محنت کی اجرت ادا کرو۔”
مزید پڑھیں: صحافی حامد میر کا تکبرانہ انداز ، تنخواہوں سے محروم صحافیوں کو کیسے نظر انداز کردیا؟ ویڈیو وائرل
