اسلام آباد(روشن پاکستان نیوز) اسلام آباد ہائیکورٹ میں لاپتہ افراد کے کیسز کی سماعت کرنے والا اسپیشل بینچ تحلیل ہو گیا۔
جسٹس محسن اختر کیانی کی سربراہی میں اسپیشل بینچ لاپتہ افراد کے کیسز کی سماعت کر رہا تھا جس میں جسٹس ارباب محمد طاہر اور جسٹس طارق جہانگیری بھی شامل تھے۔
تاہم اب جسٹس ارباب محمد طاہر نے بینچ میں بیٹھنے سے معذرت کر لی ہے جس سے اسپیشل بینچ تحلیل ہو گیا ہے۔
مزید پڑھیں: اسلام آباد ہائی کورٹ میں بابر خورشید کی درخواست ضمانت مسترد
اس حوالے سے بینچ کے سربراہ جسٹس محسن اختر کیانی نے بتایا کہ جسٹس ارباب محمد طاہر بینچ سے الگ ہو گئے ہیں، بینچ کی تشکیل نو کیلئے فائل قائم مقام چیف جسٹس اسلام آباد ہائیکورٹ کو بھجوا دی ہے۔
