اسلام آباد(روشن پاکستان نیوز) جوڈیشل کمیشن نے آئینی بینچ کے ممبران میں اضافہ کر دیا ہے۔
جسٹس ہاشم کاکڑ، جسٹس عامر فاروق اور جسٹس اشتیاق ابراہیم آئینی بینچ کا حصہ ہونگے،جسٹس صلاح الدین پنہور اور جسٹس شکیل احمد بھی آئینی بینچ کے رکن نامزد کئے گئے ہیں۔
موجودہ اضافے کے بعد سپریم کورٹ کے آئینی بینچ میں کل ججز کی تعداد 13 ہوگئی۔
علاوہ ازیں چیف جسٹس کی زیر صدارت جوڈیشل کمیشن کے اجلاس میں لاہور ہائیکورٹ کے 4 ایڈیشنل ججز کی بھی منظوری دی گئی۔
مزید پڑھیں: آفیشل سیکرٹ ایکٹ کے تحت حوالگی تفتیش مکمل ہونے کے بعد ہی ممکن ہو گی ، سپریم کورٹ
سیشن جج راجہ غضنفرعلی خان،طارق محمود باجوہ،عبہر گل خان اور تنویر احمد شیخ کے ناموں کی بطور ایڈیشنل جج لاہور ہائیکورٹ منظوری دی گئی۔
