اسلام آباد(روشن پاکستان نیوز) وزیراعظم شہباز شریف کا آذربائیجان کے صدارتی محل زوولبا آمد پر پرتپاک استقبال کرتے ہوئے گارڈ آف آنر دیا گیا۔
زوولبا محل آمد پر آذربائیجان کے صدر الہام علیوف نے مرکزی دروازے پر وزیراعظم کا استقبال کیا، دونوں رہنماؤں نے پرجوش مصافحہ کیا۔ گارڈ آف آنر کے دوران دونوں ملکوں کا قومی ترانہ بجایا گیا۔
دو روزہ دورہ آذربائیجان کے دوران شہباز شریف آذربائیجان کے اعلیٰ حکام سے ملاقاتیں کریں گے، جس میں توانائی، تجارت، دفاع، تعلیم اور موسمیاتی شعبوں میں دوطرفہ تعاون بڑھانے پر زور دیا جائے گا۔
اس موقع پر دونوں ممالک کے درمیان متعدد مفاہمتی یادداشتوں اور معاہدوں پر دستخط کئے جائیں گے، شہباز شریف بزنس فورم سے بھی خطاب کریں گے۔
مزید پڑھیں: تحریک تحفظ آئین پاکستان کا پییکا ایکٹ مسترد، آئین کی بالادستی کیلئے جدوجہد جاری رکھنے کا عہد
