اسلام آباد(روشن پاکستان نیوز) ترکیے کے صدر رجب طیب ایردوان وزیراعظم ہاؤس پہنچ گئے ، وزیراعظم شہباز شریف نے پرتپاک استقبال کیا۔
ترکیے کے صدر کو مسلح افواج کے دستے نے گارڈ آف آنر پیش کیا ، اس موقع پر دونوں ممالک کے قومی ترانے بھی پیش کیے گئے۔
وزیراعظم شہباز شریف نے مہمان خصوصی کی وفاقی کابینہ کے اراکین سے فرداً فرداً ملاقات بھی کروائی۔ بعد ازاں ترک صدرسے آرمی چیف جنرل عاصم منیر نے بھی ملاقات کی اور انہیں خوش آمدید کہا۔
گزشتہ روز رات دیر گئے ترک صدر خاتون اول اور سرمایہ کاروں اور تاجر رہنماؤں کے ہمراہ نور خان ائیر بیس پہنچے تھے جہاں صدر آصف زرداری اور وزیراعظم شہباز شریف نے ان کا شاندار استقبال کیا۔ طیب ایردوان کو 21 توپوں کی سلامی بھی دی گئی تھی۔
