اسلام اباد(روشن پاکستان نیوز) آرمی چیف جنرل سید عاصم منیرکا کہنا ہے کہ طلبہ تعلیم پر خصوصی توجہ دیں،اپنے آپ کو ملکی ترقی کے قابل بنائیں،نوجوان پاکستان کے مستقبل کے رہنما ہیں۔
مختلف یونیورسٹیز اور کالجز کے طلبہ سے خطاب کرتے ہوئے انہوں نے کہا پاکستانی عوام، بالخصوص نوجوانوں کا پاک فوج سے انتہائی مضبوط رشتہ ہے،ملک دشمن عناصر کی فوج اور عوام میں خلیج ڈالنے کی کوشش ہمیشہ ناکام رہے گی۔
ہمیں اپنے مذہب، تہذیب اور روایات پر فخر ہے ،پاکستانی آئین کا آغاز بھی( حاکمیت صرف اللہ کی ہے ) سے ہوتا ہے۔
انہوں نے مزید کہا کہ یہ فتنہ الخوارج کس شریعت اور دین کی بات کرتے ہیں؟ کبھی بھی فتنہ الخوارج کو فرسودہ سوچ ملک پر مسلط نہیں کرنے دیں گے،خیبر پختونخوا اور بلوچستان کے غیورعوام دہشت گردوں کیخلاف آہنی دیوار کی طرح کھڑے ہیں
مزید پڑھیں: چیمپئنز ٹرافی کے دوران سکیورٹی کیلئے فوج اور رینجرز تعینات کرنے کا فیصلہ
جنرل سید عاصم منیر نےپاکستانیت کو اپنانے کی ضرورت پر زور دیتے ہوئے ملکی خودمختاری اور علاقائی سالمیت کیلئے پاک فوج کے کردار کو اجاگر کیا،دہشت گردی کیخلاف جنگ میں پاکستانی عوام کی قربانیوں کو سلام پیش کیا
